Benjamín Fannar í yfirheyrslu: Fyrsta minningin um að stelast í tölvuna til að leggja kapal
Reyðfirðingurinn Benjamín Fannar Árnason er formaður Leikfélags Menntaskólans á Egilsstöðum sem í gærkvöldi frumsýndi verkið Eldhús eftir máli. Hann leikur einnig í sýningunni þannig að mikið hefur verið að gera hjá honum síðustu vikur.
„Þegar maður var ekki í skólanum var maður að gera eitthvað fyrir leikritið, redda ýmsu og gera alls konar skemmtilegt með frábæru fólki. Þ að er held ég það sem mér finnst skemmtilegast við leikhúsið, hvað maður fær að vinna með skemmtilegu fólki og kynnast öllu þessa frábæra fólki,“ segir hann.
Halldóra Malin Pétursdóttir leikstýrir verkinu en henni til aðstoðar er Sigurbjörg Lovísa Árnadóttir og Almar Blær Sigurjónsson. Fereykið hefur haldið utan um sýninguna sem flakkar um Austfirði í mánuðinum.
Fullt nafn: Benjamín Fannar Árnason
Aldur: 19 ára
Starf: Helgarstarfsmaður hjá Húsasmiðjunni Reyðarfirði
Maki: Því miður enginn maki
Börn: Engin
Hugbúnaður? Ég er rosalega virkur á Snapchat og Facebook en kiki líka stundum á Instagram
Fyrsta æskuminningin þín? Úff ég var alltaf að stelast í tölvuna hjá systur minni og fór að leggja kapal. Held það sé svona fyrsta sem ég man og var ekki nema fjögurra ára
Hvað ætlaðir þú að verða þegar þú yrðir stór? Ég ætlaði að verða flutningabílstjóri eins og pabbi minn
Besta bók sem þú hefur lesið? Hungleikaröðin
Hver er þinn helsti kostur? Ég er mjög jákvæður og opinn fyrir öllu
Hver er þinn helsti ókostur? Ég er get verið rosalega latur og lengi að koma hlutum í verk en þegar ég kem mér í það þá vinn ég það alveg 100%
Hvert er uppáhalds lagið þitt? Ég á mér eiginlega ekkert uppáhaldslag en eins og er er það Brennum allt með Úlf Úlf
Nefndu þrennt sem þú átt alltaf í ísskápnum? Kókómjólkin er lykilatriði í ísskapnum. Skyr og Aquarius
Uppáhaldsdagur vikunnar og af hverju? Laugardagur því þá getur maður tekið því rólega
Markmið ársins 2016? Halda áfram að vera frábær
Syngur þú í sturtu? Ef ég hlusta á tónlist á meðan syng ég hástöfum
Hvaða kost í fari einstaklinga kannt þú helst að meta? Hreinskilni og jákvæðni
Hvað er leiðinlegasta húsverkið þitt og af hverju? Að þrífa... því ég er ofboðslega latur og nenni því ekki
Ef þú fengir að hitta hvaða persónu úr mannkynssögunni sem væri, hver yrði fyrir valinu? Johnny Depp án efa
Hver er þín helsta fyrirmynd? Almar Blær Sigurjónsson, fyrrum nemi Menntaskólans á Egilsstöðum
Ef þú gætir breytt einhverju í heiminum? Eins og hver sem er myndi segja, heimsfriður
Duldir hæfileikar? Ég hef ekki uppgötvað neina dulda hæfileika enn
Hvað ætlar þú að gera um helgina? Fagna frumsýningu með vinum mínum
