Færa samtímalist til fjöldans í Fjarðarborg
Það engar nýjar fréttir að hópurinn Já Sæll, sem stendur að rekstri og uppákomum í Fjarðarborg á Borgarfirði eystri, bryddi reglulega upp á óvenjulegum viðburðum. Skemmst að minnast viðburða á borð við Jól í júlí, þorrablót að sumarlagi eða arabískra þemudaga. Þetta sumarið skal gera samtímalist hátt undir höfði.
Líkast til ekki margir sem tengja hópinn né staðinn við að standa í stafni fyrir samtímalist en að sögn Ásgríms Inga Arngrímssonar, eins skipuleggjenda, var talin þörf á að færa samtímalist nær fjöldanum og fátt betra til þess en að bjóða upp á Nýlistahátíð í Fjarðarborg.
„Þetta er einn mikilvægur hluti af dagskrá okkar í júlí en það verið eitt og annað á seyði hjá okkur og víðar í firðinum undanfarna daga og verður áfram stóran hluta júlí eins og venjulega. Það verður kjaftfull af nútímalist í húsinu á morgun frá klukkan 19 og ýmis konar gjörningar framdir á sviðinu. Svo auðvitað verður blásið í ljóðakvöld svona í og með og þar í dómnefnd ljóðahópurinn Hási Kisi.“
Já Sæll hópurinn nýtur fulltingis alvöru listamanna við að gera nýlistahátíð sína sem best úr garði. Þar hefur hópurinn leitað í smiðju Önnu Elísabetar Einarsdóttur, sem er einmitt að opna sína eigin listsýningu á efstu hæð Hafnarhússins á morgun laugardag. Þar sýnir hún myndlistarverk sem hún málar gjarnan á alls kyns plötur sem hún finnur hér og þar í þorpinu. Sýning hennar hefst klukkan 17.
Kokkarnir í Fjarðarborg láta vitaskuld ekki sitt eftir liggja í samtímalist eða gjörningi. Mynd Já Sæll
