Fimmtíu ára afmæli Leikfélags Fljótsdalshéraðs - Myndir
Fimmtíu ára afmæli Leikfélags Fljótsdalshéraðs var fagnað nýverið í Valaskjálf. Það var viðeigandi enda saga hússins og félagsins mikið til samofin.
Húsið og félagið eru jafn gömul auk þess sem flest leikverk félagsins hafa verið sett þar upp og var Skugga-Sveinn vígsluverk Valaskjálfar.
Að þessu sinni var boðið upp á söngskemmtun sem sýnd var bæði laugardag og sunnudag fyrir fullu húsi. Sungin voru þekkt lög úr sýningum leikfélagsins í gegnum tíðina áður en skemmtuninni lauk með fjöldasöng.
Þá var Kristrún Jónsdóttir, betur þekkt sem Dúrra, heiðruð fyrir starf sitt með félaginu.
Austurfrétt leit við á skemmtuninni.
