Flóð í Breiðdalsá
Mikið hefur rignt í Breiðdalsá og segjast leiðsögumenn veiðiþjónustunnar Strengja ekki muna eftir öðru eins.
Fram að flóði hafi komið að meðaltali um 20 laxar á land á dag en í vikunni hefur einn og einn lax veiðst í hliðarám sem laxinn veiðist vanalega ekki í . Einn lax vó um tuttugu pund og var hann settur í klakkistu. Besti dagurinn í sumar var í lok ágúst, þá veiddust 42 laxar í ánni.
Á Jöklusvæðinu vantaði orðið rigningu en þegar hún veiddu menn fimm laxa. Á svæðinu hafa veiðst 160 laxar í sumar en veiði lýkur í lok september.
Í Laxá í Nesjum hefur veiðst ágætlega í sumar en flóð kom í ánna í vikunni. Tveir laxar sem vega rúm 20 pund hafa veiðst þar í sumar og voru þeir báðir úr seiðasleppingu 2006.
