Franskir dagar fagna 25 ára afmæli
Franskir dagar á Fáskrúðsfirði fagna í ár 25 ára afmæli bæjarhátíðarinnar með veglegri dagskrá.
Hátíðinni verður þjófstartað í kvöld þegar skemmtikrafturinn Hjálmar Örn Jóhannsson heldur pöbkviss í Skrúð.
Dagskráin er þétt um helgina og mikið um að vera. Fjölbreytt tónleikadagskrá verður á hátíðinni og á morgun halda þeir Stebbi og Eyfi tónleika í Skrúð. Á föstudaginn spilar KK í kirkjunni og síðar um kvöldið verða stórtónleikar við Búðagrund þar sem fram koma: Matti Matt, KK, Bríet og Lalli töframaður. Á laugardagskvöldið verður svo ungmennaball í Skrúð með Albatross og Birni. Síðar um kvöldið heldur spilamennska Albatross svo áfram fyrir fullorðna fólkið.
Líf og gjör verður í bænum alla helgina þar sem skemmtidagskrá verður á Skólavegi á laugardaginn ásamt leiktækjum fyrir krakkana og markaðstorgi.
Þá verður margt annað í gangi eins og: hjólreiðakeppnin Tour de Fáskrúðsfjörður, dorgveiðikeppni, helgistund í frönsku kapellunni og félagsvist í Glaðheimum svo eitthvað sé nefnt.
