Frönsku dagarnir að hefjast
Franskir dagar hefjast á Fáskrúðsfirði í dag og standa til sunnudags. Hópur Veraldarvina frá Frakklandi hafa undanfarna daga undirbúið hátíðina með heimamönnum.
Hulda Guðnadóttir framkvæmdastjóri Franskra daga er á myndinni ásamt Stéphane Einrick frá Metz í Frakklandi fyrir framan safnið Fransmenn á Íslandi á Fáskrúðsfirði. Hann verður klæddur sem franskur sjómaður alla helgina og segir gestum safnsins frá þeim tíma er landar hans voru hér við veiðar. Myndina tók Albert Eiríksson.Nánari upplýsingar eru á www.franskirdagar.com.
