Færeyska skipið Carlton KG-381 kom með fyrsta síldarfarminn í manneldisvinnslu til Norðfjarðar í gær sunnudag.
Á vefsíðu SVN kemur fram að þessi síld var kærkomin til að prufukeyra nýbreyttan vinnslusal fiskiðjuvers Síldarvinnslunnar hf. Undanfarið hafa verið gerðar gagngerar breytingar á vinnslusal fiskiðjuversins til að auka framleiðslu síldarafurða og lofar þessi fyrsta vinnsla góðu varðandi framtíðina.
Mynd: Gagngerar breytingar hafa verið gerðar í vinnslulínu SVN til að auka framleiðslu síldarafurða. (Ljósmynd: SVN.is
Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.
