Hernámsins minnst á Reyðarfirði
Íbúar Fjarðabyggðar minnast í dag hernámsins á Reyðarfirði í fyrsta sinn.
Fyrir 68 árum sigldi 26 þúsund tonna herflutningaskipið Andes inn Reyðarfjörð og setti þar á land fjölmennt herlið. Þá bjuggu um 300 manns á Búðareyri en talið er að hermennirnir hafi orðið þrjú þúsund þegar flestir voru. Fyrst komu breskir hermenn en síðar norskir og bandarískir.
Hernámsins verður minnst með göngu frá Molanum upp í Stríðsárasafn kl. 17:00. Fólk er hvatt til að mæta í fötum sem minna á þennan tíma, sögur af hernáminu verða rifjaðar upp og hermenn slást með í för.
