Jóna Kristín austur
Jóna Kristín Þorvaldsdóttir, bæjarstjóri í Grindavík, verður væntanlega næsti sóknarprestur í Kolfreyjustaðarprestakalli.
Valnefnd kom saman í gær og lagði til að Jóna verði valin sem sóknarprestur. Biskup Íslands skipar sóknarprestinn. Þrír umsækjendur sóttu um embættið, en einn dró umsókn sína til baka. Valið stóð því milli séra Hólmgríms Elísar Bragasonar, prests á Reyðarfirði og Jónu Kristínar.Jóna Kristín var prestur í Neskaupstað fyrir tuttugu árum en varð eftir einn vetur eystra sóknarprestur í Grindavík. Sem slíkur starfaði hún til ársins 2006 er hún varð forseti bæjarstjórnar og síðan bæjarstjóri fyrir rúmu ári. Framundan eru því önnur bæjarstjóraskiptin í Grindavík á kjörtímabilinu. Embættið á Kolfreyjustað veitist frá 1. september. Í tilkynningu frá meirihluta bæjarstjórnar í Grindavík kemur fram að Jóna Kristín verði bæjarstjóri næstu 2-3 mánuði. Ákveði biskup að skipa hana verður það samkomulag milli þeirra um hvenær hún komi austur.
Vildarvinir
Austurfrétt birtir fréttir að austan alla virka daga, öllum aðgengilegar og reiðir sig á auglýsingatekjur og styrki frá lesendum sínum til að halda úti þjónustunni.
Hvers virði finnst þér að hafa aðgang að fréttaþjónustu á borð við þessa?
Smelltu hér ef þú vilt styrkja Austurfrétt.
