Laufey og Sindri Freyr glímumeistarar
Laufey Frímannsdóttir og Sindri Freyr Jónsson sigruðu í Fjórðungsglímu Austurlands, þar sem keppt var um Aðalsteinsbikarinn, sem fram fór á Reyðarfirði milli jóla og nýárs. Laufey var nýverið valin efnilegasta glímukona landsins og íþróttamaður Vals árið 2008.
Sindri Freyr vann karlaflokkinn eftir úrslitaglímu við Hjalta Þórarinn Ásmundsson. Hjalti hafði fyrr í keppninni lagt Sindra en tapað fyrir Snæ Seljan og því kom til úrslitaglímu. Laufey vann á móti allar sínar glímur í kvennaflokki. Bæði hafa unnið bikarinn einu sinni áður, Laufey í fyrra en Sindri Freyr fyrir tveimur árum. Fimm keppendur voru í karlaflokki, fjórir í kvennaflokki og þó nokkrir áhorfendur í íþróttahúsinu á Reyðarfirði.Sigurinn var rúsínan í pylsuenda frábærs árs hjá Laufeyju sem var nýveirð valin efnilegasta glímukona ársins og íþróttamaður Vals fyrir árið 2008. „Ég hef mætt á allar æfingar og öll mót. Það er lykilinn að árangrinum,“ sagði Laufey sem í byrjun vikunnar flaug út til Danmerkur þar sem hún verðir í íþróttalýðháskóla fram á vor.
Aðalsteinsbikarinn
Aðalsteinsbikarinn var gefinn í minningu Aðalsteins Eiríkssonar, Alla á Lykli, glímuföðurs Reyðfirðinga. Hann flutti til Reyðarfjarðar árið 1954 hóf að æfa og kenna glímu þar en hafði áður þjálfað hjá KR. Hann þjálfaði ungmenni í glímu hjá Val fram til ársins 1983 Eftirlifandi eiginkona Aðalsteins, Pálína Guðmundsdóttir og afkomendur þeirra hjóna gáfu árið 2006 vegleg verðlaun í minningu Aðalsteins og glímuráð Vals ákvað að tengja verðlaunin við Fjórðungsglímu Austurlands. Í þrjú ár hefur verið keppt um Aðalsteinsbikarinn í þremur flokkum kvenna og þremur flokkum karla og þeir sem hampa Aðalsteinsbikarnum eru um leið Austurlandsmeistarar í glímu. Aðalsteinsbikarinn er farandbikar og honum fylgir lítill bikar til eignar.
„Það var unun að æfa hjá Alla. Hann var alltaf kátur og hress og kenndi fallega og fjölbreytta glímu,“ segir Þóroddur Seljan, formaður glímuráðs Vals.
Myndir eru komnar inn í myndasafn vefsins og má sjá með að smella hér:
Úrslit í Aðalsteinsbikarnum – Fjórðungsglímu Austurlands 2008
Karlaflokkur
1. sæti Sindri Freyr Jónsson 3 v + 1
2. sæti Hjalti Þórarinn Ásmundsson 3 v + 0
3. sæti Snær Seljan Þóroddsson 2 v
4-5. sæti Ásmundur Hálfdán Ásmundsson 1 v
4-5. sæti Magnús Karl Ásmundsson 1 v
Kvennaflokkur
1. sæti Laufey Frímannsdóttir 3 v
2. sæti Hekla María Samúelsdóttir 1,5 v
3. sæti Rakel Dís Björnsdóttir 1 v
4. sæti Guðrún Heiður Skúladóttir 0,5 v
Piltar 8. – 10. bekkur
1. sæti Ásmundur Hálfdán Ásmundsson 4 v
2. sæti Patrekur Trostran Stefánsson 3 v
3. sæti Kristófer Dan Róbertsson 2 v
4. sæti Hjörtur Elí Steindórsson 1 v
5. sæti Jökull Geir Gunnarsson 0 v
Stúlkur 8. – 10. bekkur
1. sæti Hekla María Samúelsdóttir 2,5 v
2. sæti Rakel Dís Björnsdóttir 1,5 v
3.-4. sæti Eva Dögg Jóhannsdóttir 1 + ½ v
3.-4. sæti Þuríður Lillý Sigurðardóttir 1 + ½ v
Strákar 5. – 7. bekkur
1. sæti Magnús Guðlaugur Magnússon 7 v
2. sæti Almar Blær Sigurjónsson 5 v
3. sæti Ingvar Orri Guðmundsson 4,5 v
4. sæti Dagur Friðrik Kristjánsson 4 v
5. sæti Jakob Guðmundsson Hraunfjörð 3,5 v
6-7. sæti Arnar Snær Gunnarsson 2 v
6-7. sæti Guðjón Smári Gunnarsson 2 v
8. sæti Magnús Bjarni Guðmundsson 0 v
Stelpur 5. – 7. bekkur
1. sæti Sylvía Rut Rúnarsdóttir 2 v
2. sæti Arnbjörg Bára Frímannsdóttir 0 v
