Malarvinnslan gjaldþrota
Stjórnendur Malarvinnslunnar, stærsta verktakafyritækis Egilsstaða, hafa óskað eftir að félagið verði tekið til gjaldþrotaskipta.
Heildarskuldir fyrirtækisins nema um 2,5 milljörðum króna. Um seinustu mánaðarmót var reynt að skera niður kostnað með að segja upp starfsfólki. Það dugði ekki til. Reynt hefur verið að selja ýmsar einingar fyrirtækisins. Kaupfélag Héraðsbúa keypti fyrirtækið, sem stofnað var árið 1990, fyrir ári.
