ME brautskráði 25 stúdenta fyrir jól
Menntaskólinn á Egilsstöðum útskrifaði um miðjan desember 25 nýstúdenta í jólaútskrift skólans. Verðlaunum við útskrift var fækkað í samræmi við nýja stefnu skólans.Árni Ólason, skólameistari, segir að í haust hafi verið ákveðið að tóna niður verðlaunaafhendingar við útskriftir. Það sé í takt við tíðarandann í framhaldsskólum landsins þar sem áherslan sé meiri á ferli námsins sem endurspeglist í prófskírteininu. Þar komu fram einkunnir, ástundun og hvaða áföngum neminn hafi lokið sem aftur ræður mestu um hvaða leiðir nemar geta valið sér síðar meir.
Eva Pálína Borgþórsdóttir fékk þó hæstu meðaleinkunn útskriftarnemanna, 9,32.
Að þessu sinni útskrifuðust 12 nemar af félagsgreinabraut, 9 af opinni braut, 3 af náttúrufræðibraut og 1 af listnámsbraut.
Mynd: Menntaskólinn á Egilsstöðum
