Ólafur Darri les Aðventu Gunnars
Ólafur Darri Ólafsson, einn þekktasti leikari þjóðarinnar, mun á sunnudag lesa upp úr Aðventu, bók Gunnars Gunnarssonar.Hefð hefur verið fyrir því að lesið sé upp úr Aðventu í Gunnarshúsum, annars vegar á Skriðuklaustri í Fljótsdal, hins vegar Dyngjuvegi 8 í Reykjavík – sem og reyndar fleiri stöðum í heiminum – um þetta leyti árs.
Vegna samkomutakmarkana verður því ekki viðkomið í ár en þess í stað verður upplesturinn sendur út í gegnum netið.
Lesari að þessu sinni er Ólafur Darri Ólafsson leikari sem í haust hreif landsmenn með sér í hlutverki annars Benedikts í þáttaröðinni um Ráðherrann. Í þáttunum var óspart vísað í sögu Gunnars og er Ólafur Darri því ekki óvanur að fylgja Leó og Eitli til fjalla.
Lesturinn fer í loftið kl. 13.30 sunnudaginn 13. des. og verður hlekkur á hann aðgengilegur á Facebook-síðum Skriðuklausturs og Rithöfundasambands Íslands.
