Seyðisfjörður laumast inn á lista yfir bestu staði heims
Lífið • This email address is being protected from spambots. You need JavaScript enabled to view it. • Fyrst birt 16. ágú 2021 09:05 • Uppfært 16. ágú 2021 09:15
Seyðisfjörður fær að fljóta með á lista bandaríska tímaritsins Time yfir bestu staði jarðar árið 2021.
Á listanum eru 100 áfangastaðir, ýmist lönd, landssvæði, borgir eða þorp, sem blaðamönnum Time þykir óhætt að mæla með heimsóknum til fyrir lesendur sína. Þetta er í þriðja sinn sem blaðið gerir slíkan lista.
Að þessu sinni er Reykjavík með á listanum sem er ekki bara sögð lifandi og skemmtileg borg til að heimsækja í, heldur kjörinn staður til að dvelja á og heimsækja síðan „stórkostlegar en vanmetnar sjávarbyggðir eins og Vík í Mýrdal eða Seyðisfjörð,“ segir í textanum.
Af öðrum stöðum á listanum má nefna París, Kruger þjóðgarðinn í Suður-Afríku, Kosta Ríka og Gautaborg.
