Úr fjölmenni Paragvæ í fámenni Seyðisfjarðar
Með ljósmyndir og ljóð að vopni hyggjast þau Tesla Rivarola og Juanio Ivaldo Zaldivar reyna að lýsa þeim miklu umbreytingum sem felast í að flytja búferlum frá fjölmennu svæði í Suður-Ameríku í fámennið á Seyðisfirði á nýrri farandsýningu sem opnar síðar í þessum mánuði.
Listamennirnir koma báðir frá fjölmenninu í Paragvæ en hafa undanfarið búið á Seyðisfirði og upplifað þar allt annan veruleika en þau eru vön sunnan af hnettinum.
Þessu reyna þau að gera skil með sínum hætti á sýningunni Misplaced Gaze en sú opnar í Menntaskólanum á Egilsstöðum þann 17. mars klukkan 15 en í kjölfarið verður hún einnig sett upp í Neskaupstað áður en þau ljúka ferðinni með uppsetningu á Seyðisfirði.
