Væri nokkuð betra að vera einhver annar? Viltu prófa að lifa lífi breskrar konu?
Breska ríkisútvarpið leitar nú að íslenskri konu sem vill skipta á verustað við breska konu í nokkra daga fljótlega eftir áramót. Verið er að taka upp fyrir nýja ferðaþætti BBC.Um er að ræða sex þátta röð. Í hverjum þætti er fylgst með einum Breta sem er sendur til fjarlægs staðar og gengur þar inn í líf heimamanns í viku. Heimamaðurinn skiptir á móti við Bretann.
Framleiðendur þáttanna hafa meðal annars leitað hófanna á Austurland en búið er að taka efni í þáttinn í ýmsum heimsálfum.
„Þáttaröðin veitir þeim sem valdir eru tækifæri til að upplifa ævintýri sem ekki ert hægt að kaupa fyrir peninga; tækifærið til að lifa í stuttan tíma allt öðru lífi fjarri heimili sínu.“
Til stendur að taka upp á Íslandi í byrjun eða um miðjan janúar. Leitað er að einhverri sem vill skipta á lífi sínu við breska konu í 7-10 daga.
„Ef þú ert stödd á vegamótum í lífi þínu og telur það að feta í spor breskrar konu í viku gæti hjálpað þér til að taka stórar ákvarðanir í lífi þínu þá viljum við gjarnan heyra í þér.
Við sendum þá sem valin verður á ónefndan stað einhvers staðar í Bretlandi. Á meðan þú ert þar mun breskur staðgengill þinn fara á þínar heimaslóðir og lifa þínu lífi.
Í um það bil viku munið þið lifa í veröld hvorrar annarrar: umgangast vini og fjölskyldu hinnar, ganga í vinnu hinnar, prófa áhugamál hvorrar annarrar og kynnast löndunum frá sjónarhóli íbúa frekar en ferðamanns.“
Leitað er að:
- Konum sem tala góða ensku
- Konum sem helst hafa aldrei áður komið til Bretlands
- Konum sem hafa góða ástæðu til að vilja prófa að búa í Bretlandi
- Konum sem standa á vegamótum í lífi sínu
- Konum á aldrinum 25-50
- Konum í dreifbýli sem búa á áhugaverðu umhverfi, eru í áhugaverðu starfi eða sérstakan lífstíl
Áhugasamar eru beðnar um að senda tölvupóst sem fyrst á This email address is being protected from spambots. You need JavaScript enabled to view it. með stuttri lýsingu á sér og upplýsingum um nafn, aldur, staðsetningu, hjúpskaparstöðu og barnafjölda. Framleiðendur munu hafa samband sem fyrst enda þarf að hafa hraðar hendur.
