Verkmenntaskóli Austurlands efldur
Lífið • This email address is being protected from spambots. You need JavaScript enabled to view it. • Fyrst birt 14. okt 2009 15:05 • Uppfært 08. jan 2016 19:20
Verkmenntaskóla Austurlands hafa á árinu áskotnast mikilvæg tæki til kennslu í verknámsdeildum skólans. Þau eru gjafir frá Alcoa Fjarðaáli, VHE og Launafli, sem hafa staðið mjög myndarlega að stuðningi við skólann. Verkmenntaskóli Austurlands er nú orðinn einn albest búni framhaldsskóli landsins í stýri- og iðntölvukennslu.
Búnaðurinn sem um ræðir er m.a. mjög fullkomið kennsluborð í vökvatækni frá FESTO ásamt tilheyrandi hugbúnaði, Allen-Bradley iðntölvur ásamt mótorum og hraðabreytum, 10 stk. Dell borðtölvur og Berker instabus hússtjórnarkerfi.
