Björgunarsveitirnar Ársól Reyðarfirði, Brimrún Eskifirði og Hérað Egilstöðum sóttu í kvöld slasaðan vélsleðamann á Búðardalsheiði, Sá slasaði var við vatnaskil Áreyjardal og Brúardals og þurfti að bera hann um kílómetra leið niður að sjúkrabíl. Samkvæmt upplýsingum frá Landsbjörg var maðurinn ekki mikið slasaður en aðstæður erfiðrar, brattar skriður og laus möl.
Einn þingmanna kjördæmisins hélt hann væri að upplifa sitt síðasta þegar flugvél Flugfélags Íslands lenti í ókyrrð á leið sinni frá Reykjavík til Egilsstaða í kvöld. Flugmenn vélarinnar segja að ekki hafi verið um „alvöru ókyrrð“ að ræða.
Austurglugginn er í sumarskapi og gaukar að lesendum blaðs og vefs ómótstæðilegum sumaruppskriftum til að gleðja munn og maga um helgina. Matgæðingur Austurgluggavefsins að þessu sinni, Ævar Dungal, lætur okkur í té sannkallað sólargóðgæti, enda von á brakandi blíðu um helgina.
Tengslanet austfirskra kvenna hefur ýtt úr vör rannsókn á stöðu kvenna á Austurlandi og afstöðu þeirra til ýmissa málefna sem snerta búsetu á svæðinu. Þeir þættir sem eru sérstaklega verða til skoðunar eru atvinna, menntun, völd, samgöngur, fjölskylduvænleiki og fleira. Auk þess er að hluta kannað hvaða áhrif stóriðjuframkvæmdir hafa haft á stöðu kvenna í fjórðungnum. Gagnasöfnun fer fram með viðtölum við konur á svæðinu, bæði þær sem búið hafa lengi og þær sem hafa flutt á svæðið nýlega eða á síðustu árum. Viðtölin verða afrituð og greind og niðurstöður rannsóknarinnar settar fram í skýrslu sem afhent verður TAK. Þátttakendur verða ekki persónuauðgreindir og ekki vitnað í þá undir eigin nöfnum nema þeir gefi til þess leyfi. Rannsóknin hefur verið tilkynnt til Persónuverndar. Rannsóknin er framkvæmd af Tinnu Halldórsdóttur, MA nema í félagsfræði, og verður að einhverju leyti notuð í MA ritgerð við félagsvísindadeild HÍ.
Vaxtarsamningi fyrir Austurland lýkur í lok þessa árs og fer þá í endurnýjun. Á milli 20 og 30 varanleg störf hafa orðið til fyrir atbeina samnginsins. Þau eru flest fyrir háskólamenntaða einstaklinga. Iðnaðarráðuneytið hefur gefið til kynna að við endurnýjun Vaxtarsamnings verði lögð aukin áhersla á sérhæfingu svæða til framtíðar. Austfirðingar þurfa því að skilgreina hver sérhæfing fjórðungsins á að vera miðað við aðra landshluta. Gera má ráð fyrir að í næsta vaxtarsamningi verði aukin áhersla á að ýta undir rannsóknir og nýsköpun í málum sem tengjast slíkri sérhæfingu.
Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.