Mokstur á Oddsskarði

Höfundur: Steinunn Ásmundsdóttir • Skrifað: 25. febrúar 2009.

Mokstur er hafinn á Vopnafjarðarheiði og á Möðrudalsöræfum. Fjarðarheiði er opin en þar er þæfingur. Þæfingur, hálka og snjóþekja er á öðrum leiðum á Austurlandi. Breiðdalsheiði er ófær. Vegfarendum er bent á að kynna sér ástand vega á vegagerdin.is.

Skrifað í Umræðan

Fjarðabyggð úthlutar menningarstyrkjum

Höfundur: Steinunn Ásmundsdóttir • Skrifað: 24. febrúar 2009.

Menningar-, íþrótta- og ferðamálanefnd Fjarðabyggðar úthlutaði í gær styrkjum til menningarmála í sveitarfélaginu. Alls bárust 36 umsóknir uppá rúmlega 15 milljónir króna. Nefndin lýsti yfir ánægju sinni með gróskuna í menningarlífi í sveitarfélaginu sem fjöldi og gæði umsókna endurspegla. Ekki er unnt að styrkja alla en eftir yfirferð umsókna og flokkun þeirra samþykkti nefndin úthlutun á tveimur og hálfri milljón króna.

Skrifað í Lífið

Lesa meira

Tekið við umsóknum í Vaxtarsamning Austurlands

Höfundur: Steinunn Ásmundsdóttir • Skrifað: 24. febrúar 2009.

Á fundi framkvæmdaráðs Vaxtarsamnings Austurlands 17. febrúar síðastliðinn var samþykkt að hafa ekki sérstaka umsóknarfresti árið 2009 heldur taka við umsóknum allt árið eða til 1. október 2009 og  afgreiða þær jafnóðum. Á sama fundi var samþykkt að amk. 27 milljónum verði varið til stuðnings verkefna í formi peninga og um 20 milljónum í formi sérfræðiframlags eða tæplega 50 milljónum alls á árinu 2009.

Skrifað í Umræðan

Lesa meira

Lomberinn á laugardag

Höfundur: Steinunn Ásmundsdóttir • Skrifað: 24. febrúar 2009.

Hinn árlegi lomberdagur verður haldinn á Skriðuklaustri næstkomandi laugardag, 28. febrúar. Spilað verður frá hádegi og fram á nótt og eru byrjendur boðnir sérstaklega velkomnir. Nánari upplýsingar á www.skriduklaustur.is.

Skrifað í Lífið

Gefur kost á sér í 1.-2. sæti Samfylkingar í NA-kjördæmi

Höfundur: Steinunn Ásmundsdóttir • Skrifað: 24. febrúar 2009.

Agnes Arnardóttir, sjálfstætt starfandi atvinnurekandi á Akureyri, gefur kost á sér í 1.-2. sæti í prófkjöri Samfylkingarinnar í Norðausturkjördæmi fyrir alþingiskosningarnar í vor.

Skrifað í Umræðan

Lesa meira

Strandmenning og vitar á Austurlandi

Höfundur: Steinunn Ásmundsdóttir • Skrifað: 24. febrúar 2009.

Málþingið Strandmenning og vitar á Austurlandi verður haldið í Egilsbúð á Norðfirði næstkomandi laugardag á milli kl. 12:15 og 16:00. Þar um Sigurbjörg Árnadóttir frá Vitafélagi Íslands fjalla almennt um vita og hvað nágrannaþjóðir okkar hafa gert og hvernig. Kristján Sveinsson hjá Siglingamálastofnun fjallar um vitasögu Austfjarða og Hjörleifur Guttormsson náttúrufræðingur um strandminjar á Austfjörðum. Þá ræðir Hörður Sigurbjarnarson frá Norðursiglingu á Húsavík um afþreyingu á sjó. Eftir umræður er gestum málþingsins boðið í Safnahúsið á Norðfirði og í kaffi í nýja kaffihúsið Frú Lúlú.

Málþingið er ókeypis og öllum opið.

Skrifað í Lífið

Öskudagur rennur brátt upp

Höfundur: Steinunn Ásmundsdóttir • Skrifað: 24. febrúar 2009.

 Einn skemmtilegasti dagur ársins er á morgun -  höldum því þannig og útbúum krakkana okkar á öruggan hátt.

Hér eru nokkrar leiðbeiningar sem gott er að fara eftir:

Skrifað í Lífið

Lesa meira