Stjórn Vaxtarsamnings Austurlands hafnaði nær öllum þeim umsóknum sem bárust í sjóðinn á síðasta ári. Af tuttugu milljónum sem voru til ráðstöfunar var alls úthlutað 2,7 milljónum til þriggja verkefna. Aðrar umsóknir voru ekki taldar uppfylla þau skilyrði sem sett voru.
Framboðslisti VG staðfestur
Framboðslisti Vinstrihreyfingarinnar-græns framboðs í Norðausturkjördæmi fyrir Alþingiskosningarnar í vor var samþykktur á aukakjördæmisþingi hreyfingarinnar sem haldið var á Akureyri í dag. Formaðurinn Steingrímur J. Sigfússon leiðir listann. Þuríður Backman, sem hættir á þingi í vor, er í átjánda sæti.
Rekstur Fljótsdalshrepps á núllinu
Hreppsnefnd Fljótsdalshrepps gerir ráð fyrir að rekstur sveitarfélagsins verði við núllið á þessu ári. Stærstu framkvæmdirnar eru á sviði samgöngumála og uppbyggingar í ferðaþjónustu.
Mikill flúor í dýrum í Reyðarfirði en ekki merki um eitrun
Óvenjuhátt flúorgildi mælist í sláturfé og grasbítum í Reyðarfirði. Ekki hafa fundist merki um eitrun en sérfræðingar telja ástæðu til að fylgjast áfram með dýrunum. Of mikill flúor fór út frá álveri Alcoa Fjarðaáls síðasta sumar þar sem mengunarbúnaður bilaði.
Eyrún nýr héraðsdýralæknir
Eyrún Arnardóttir tekur við sem héraðsdýralæknir í Austurlandsumdæmi um næstu mánaðarmót þegar Hjörtur Magnason, sem gegnt hefur starfinu undanfarin ár, lætur af störfum.
Hegningarlagabrot hlutfallslega fæst á Austurlandi
Hegningarlagabrot eru hvergi hlutfallslega færri á Íslandi heldur en á Austurlandi þrátt fyrir að þeim hafi fjölgað í fjórðungnum árið 2011 samanborið við árin tvö á undan. Umferðarlagabrotum fækkaði en þau eru algeng á svæðinu.
Torgið úrskurðað gjaldþrota
Torgið ehf. sem meðal annars rak skemmtistaðinn Rauða torgið í Neskaupstað hefur verið úrskurðað gjaldþrota.
Hækkun vatnsborðs meiri en reiknað var með eftir virkjun
Vatnsyfirborð Jökulsár í Fljótsdal, Lagarins og Lagarfljóts hefur almennt hækkað meira eftir tilkomu Kárahnjúkavirkjunar en áætlanir gerðu ráð fyrir. Þetta á einkum við um Úthérað. Rennsli vatnsfallanna er hins vegar jafnara en áður. Áhyggjur eru af hækkun grunnvatns á náttúruminjar.
Kristína með metafla af frystum afurðum til Neskaupstaðar
Kristína EA 410 kom í dag með tæp tvö þúsund tonn af frystum afurðum til Neskaupstaðar sem veiddar voru á sex dögum. Ekki mun hafa áður verið landað hérlendis jafn miklum afla sem frystur hefur verið á svo stuttum tíma.
Vond verkefnastaða felldi Barra
Stjórn skógræktarstöðvarinnar Barra fór fram á að fyrirtækið yrði tekið til gjaldþrotaskipta í byrjun vikunnar. Framkvæmdastjóri félagsins segir mikinn samdrátt í skógrækt eftir hrun hafa grafið undan verkefnastöðu fyrirtækisins. Hann vonast að hægt verði að halda verkefnum félagsins á svæðinu.
Verðmætt gagnasafn um samfélagið okkar: Austurbrú tekur við Sjálfbærniverkefninu
Austurbrú hefur tekið við umsjón Sjálfbærniverkefnis Alcoa og Landsvirkjunar á Austurlandi af Þekkingarsetri Þingeyinga. Verkefnisstjórinn segir að verið sé að þróa verðmætt og einstakt gagnasafn.
Gert ráð fyrir 25 milljóna afgangi af rekstri Djúpavogshrepps
Gert er ráð fyrir um 25 milljóna króna afgangi af rekstri Djúpavogshrepps á árinu. Sveitarstjórnarmenn eru ánægðir með þann árangur sem náðst hefur í rekstri sveitarfélagsins á undanförnum árum.