Fjarðabyggð berst fyrir lífi sínu á botninum
Á morgun tekur KFF á móti Stjörnunni á Norðfjarðarvellí í 1. deild í knattspyrnu. Fyrir leikinn er lið Fjarðabyggðar í bullandi fallbaráttu í 9. sæti með 21 stig eftir 20 leiki í deildinni.Staða Stjörnunnar er hins vegar önnur. Leikmenn Stjörnunnar berjast nú við að ná Selfyssingum að stigum í toppbaráttunni og tryggja sér sæti í úrvaldsdeild. Fyrirfram má ætla að Stjarnan sé mun sigurstranglegri í leiknum, en báðum þessum liðum var spáð því að vera í toppbaráttunni í sumar.
Njarðvíkingar eru í ellefta sæti 1. deildar með 15 stig og einn leik til góða. Leiknir R. er í 10. sæti með 20 stig. Þess vegna getur allt gerst í síðustu tveimur umferðunum. Jafntefli í leiknum á morgun gæti ráðið úrslitum um hvort Fjarðabyggð heldur sér í deildinni, en liðið hefur gert 9 jafntefli í sumar. Þar af hefur liðið sjö sinnum gert 2-2 jafntefli.
