Til gagns og fegurðar í Safnahúsi

Höfundur: Steinunn Ásmundsdóttir • Skrifað: 21. janúar 2009.

Á morgun, fimmtudag, opnar ljósmyndasýning í Safnhúsinu á Egilsstöðum. Hún ber heitið „Til gagns og fegurðar“. Myndirnar á sýningunni eru fengnar úr samnefndri sýningu sem var í Þjóðminjasafni Íslands fyrri hluta árs 2008. Þema „Til gagns og fegurðar“ er útlit og klæðaburður Íslendinga á árabilinu 1860-1960.

Lesa meira

Stórleikur Bayo dugði ekki til

Höfundur: Gunnar Gunnarsson • Skrifað: 21. janúar 2009.

Rúmlega fjörutíu stig Bayo Arigbon dugðu ekki körfuknattleiksliði Hattar sem tapaði fyrir Hrunamönnum 103-90 um seinustu helgi. Liðið er í bullandi fallbaráttu.

Lesa meira

Rausnargjöf til Golfklúbbs Norðfjarðar

Höfundur: Steinunn Ásmundsdóttir • Skrifað: 21. janúar 2009.

Samvinnufélag útgerðarmanna í Neskaupstað gaf í fyrrakvöld rúmar sex milljónir króna til uppbyggingar æfingasvæðis við klúbbhús Golfklúbbs Norðfjarðar. Freysteinn Bjarnason, framkvæmdastjóri SÚN, afhenti gjöfina á aðalfundi klúbbsins.

Lesa meira

Mótmælafundur í kvöld?

Höfundur: Steinunn Ásmundsdóttir • Skrifað: 21. janúar 2009.

Kvittur er á Egilsstöðum um að mótmælendur ætli að safnast saman á planinu hjá Kaupfélagi Héraðsbúa kl. 20 í kvöld. Um skipulögð mótmæli virðist ekki vera að ræða, en svo virðist sem hugur sé í fólki eystra, ekki síður en í Reykjavík og um allt land.

Ríkið og Landsvirkjun sýknuð af kröfum landeigenda á Jökuldal

Höfundur: Steinunn Ásmundsdóttir • Skrifað: 21. janúar 2009.

Íslenska ríkið og Landsvirkjun hafa í Héraðsdómi Austurlands verið sýknuð af öllum kröfum eigenda jarðanna Arnórsstaðaparts, Arnórsstaða I og II á Jökuldal. Vatnsréttindi vegna Kárahnjúkavirkjunar tilheyra báðum jörðum. Stefán Ólason, Merki á Jökuldal, stefni ríkinu og Landsvirkjun vegna Arnórsstaðaparts, en Þorsteinn Snædal og Guðrún Ragna Einarsdóttir, Skjöldólfsstöðum á Jökuldal vegna Arnórsstaða I og II.

Lesa meira

Kynnir tónlistarmeðferð í Nesskóla

Höfundur: Steinunn Ásmundsdóttir • Skrifað: 20. janúar 2009.

Perla Kolka, tónlistarþerapisti í Neskaupstað, heldur kynningu á tónlistarþerapíu og verkefninu Tónlistarmeðferð í Nesskóla, í grunnskólanum í kvöld. Foreldrafélag Nesskóla stendur að kynningunni, en verkefnið var skömmu fyrir áramót styrkt myndarlega af Menningar- og styrktarsjóði Samvinnufélags útgerðarmanna í Neskaupstað.

Lesa meira

KFF sligað af ferðakostnaði

Höfundur: Steinunn Ásmundsdóttir • Skrifað: 21. janúar 2009.

Ferðakostnaður hjá meistaraflokki karla í Fjarðabyggð í knattspyrnu var rúmar 5,4 milljónir árið 2008, vegna þátttöku í bikarkeppnum og Íslandsmóti KSÍ. Sambærilegur kostnaður flestra annarra liða í þremur efstu deildum karla nær ekki einni milljón.

Lesa meira

Slasaður og veðurtepptur

Höfundur: Steinunn Ásmundsdóttir • Skrifað: 21. janúar 2009.

Maður slasaðist í andliti í gærmorgun við vinnubúðir skammt frá Fljótsdalsstöð Kárahnjúkavirkjunar í Fljótsdal. Virðist hann hafa fallið fram fyrir sig í hálku á hraungrýti og var eftir skoðun á heilsugæslunni á Egilsstöðum hugsanlega talinn kinnbeins- og kjálkabrotinn. Ekki reyndist unnt að flytja manninn norður til frekari aðhlynningar og rannsóknar á Fjórðungssjúkrahúsið á Akureyri í gær, þar sem hvorki var flogið né akfært vegna veðurs. Úr því rættist hins vegar í morgun.

Fjárframlög til fræðaseturs HÍ tryggð

Höfundur: Steinunn Ásmundsdóttir • Skrifað: 20. janúar 2009.

Fjárframlög til fræðaseturs Háskóla Íslands á Egilsstöðum eru tryggð á þessu ári. Bæjarráð Fljótsdalshéraðs fagnaði því á fundi sínum nýverið. Í bókun ráðsins segir að væntingar séu miklar til starfsemi fræðasetursins.