Ferskvatnsflutningar gegnum Reyðarfjörð?

Höfundur: Steinunn Ásmundsdóttir • Skrifað: 06. maí 2009.

Bandaríska drykkjavörufyrirtækið Scissortail Beverages hefur sent Fjarðabyggð fyrirspurn vegna mögulegrar starfsemi fyrirtækisins á Reyðarfirði. Bæjarráð tók málið fyrir á fundi sínum í gær. Scissortail Beverages dreifir og selur drykkjarvöru og þar með talið vatn. Fyrirtækið auglýsir á veraldarvefnum til sölu íslenskt vatn sem flutt verði ýmist frá Reyðarfirði eða Reykjavík og er lágmarkspöntun 6340 gallon og vatnið flutt út í stálgeymum eða svokallaðri vatnsblöðru sem tekur tuttugu og fjögur þúsund lítra, eða lágmarkspöntun.

Skrifað í Lífið

Lok veiðitímabila

Höfundur: Steinunn Ásmundsdóttir • Skrifað: 06. maí 2009.

Nú um mánaðarmótin lauk veiðitímabilum fyrir loðnu og síld (sumargotssíld). Samkvæmt 1. mgr. 15. grein laga nr. 116/2006, um stjórn fiskveiða, skulu tilkynningar um flutning aflamarks hafa borist Fiskistofu eigi síðar en 15 dögum eftir að veiðitímabili lýkur. Samkvæmt þessu er föstudagurinn 15. maí síðasti dagurinn þar sem heimilt að tilkynna um flutning aflamarks í þessum tegundum.

Skrifað í Lífið

Frumkvöðlanámskeið fyrir innflytjendur

Höfundur: Steinunn Ásmundsdóttir • Skrifað: 06. maí 2009.

Frumkvöðlanámskeið fyrir innflytjendur verður haldið á vegum Þekkingarnets Austurlands dagana 16.-30. maí 2009. Námið er skipulagt þrjá laugardaga í maí þar sem þátttakendur fá þjálfun í þróun viðskiptahugmynda, gerð viðskiptaáætlunar, fjármögnun og samningatækni. Gert er ráð fyrir að nemendur vinni drög að viðskiptaáætlun með aðstoð leiðbeinanda. 

Skrifað í Umræðan

Lesa meira

Fjallað um læknisþjónustu í Fjarðabyggð á bæjarráðsfundi

Höfundur: Steinunn Ásmundsdóttir • Skrifað: 06. maí 2009.

Fjallað var um læknisþjónustu í Fjarðabyggð á fundi bæjarráðs sveitarfélagsins í gær, 5. maí. Komu til fundarins undir þessum lið þau Einar Rafn Haraldsson forstjóri, Stefán Þórarinsson framkvæmdastjóri lækninga og Lilja Aðalsteinsdóttir framkvæmdastjóri hjúkrunar,  frá Heilbrigðisstofnun Austurlands. Guðríður Þorsteinsdóttir lögfræðingur heilbrigðisráðuneytisins sat einnig fundinn.  Að því er fram kemur í fundargerð var farið yfir stöðu mála og má leiða líkum að því að fjallað hafi verið um stöðu yfirlæknis Heilsugæslu Fjarðabyggðar.

Skrifað í Lífið

Stýrivextir verða að lækka

Höfundur: Steinunn Ásmundsdóttir • Skrifað: 06. maí 2009.

Samtök atvinnulífsins telja að það muni valda óbætanlegum skaða ef stýrivextir verði ekki lækkaðir verulega í vikunni. SA áttu í gær fund með fulltrúum ríkisstjórnarflokkanna ásamt aðilum vinnumarkaðarins. Þór Sigfússon, formaður SA, segir atvinnulífið hrópa eftir aðgerðum og því hafi verið komið til skila.

Skrifað í Lífið

Lesa meira

Gáfu hjartastuðtæki til Breiðdælinga

Höfundur: Steinunn Ásmundsdóttir • Skrifað: 06. maí 2009.

Þann 4. maí afhenti Breiðdalsdeild Rauða kross Íslands nýtt hjartastuðtæki til notkunar í íþróttahúsi og sundlaug Breiðdælinga. Tækið er hálfsjálfvirkt PAD-tæki, afar einfalt í notkun og ,,talar" íslensku við þann sem gæti þurft að nota það. Fyrr í vetur fékk björgunarsveitin Eining samskonar tæki að gjöf frá aðstandendum Þórs Rúnars Baker, sem lést í bílslysi í Berufirði, og er það tæki staðsett í Land Rover-bifreið sveitarinnar.

Skrifað í Lífið

Lesa meira

Notið hjálma

Höfundur: Steinunn Ásmundsdóttir • Skrifað: 06. maí 2009.

Nú þegar átakið „Hjólað í vinnuna“ er hafið má sjá mikla aukningu hjólreiðarfólks á götum úti. Slysavarnafélagið Landsbjörg hvetur alla landsmenn til að nota alltaf þann sjálfsagða öryggisbúnað sem reiðhjólahjálmurinn er þegar hjólað er. Hjálmurinn ver fyrir alvarlegum höfuðáverkum í 80% til 85% tilfella en alvarlegustu slysin verða þegar hjólað er í bílaumferð.

Skrifað í Lífið

Lesa meira