„Þetta eru tvær tegundir af námskeiðum en hvert þeirra er einstakt þar sem hópurinn, staður og stund, veðurfar og fleira getur haft mikil áhrif á hvernig allt þróast,“ segir Karna Sigurðardóttir, forstöðumaður Menningarstofu Fjarðabyggðar um skapandi námskeið sem haldin verða fyrir börn á miðstigi grunnskóla á fjórum stöðum í Fjarðabyggð í sumar.
Hótelhaldari í Neskaupstað kallar eftir bættum merkingum til að forða því að ferðamenn villist gamla veginn yfir Oddsskarð og sitji þar jafnvel fastir í snjósköflum. Bregðast verði við til að vandamálið verði ekki viðvarandi í sumar.
„Þetta var allt öðruvísi en ég bjóst við, en mér fannst nánast allt áhugavert. Ég bjóst við að þetta væri ekki alveg svona skemmtilegt,“ segir Jónas Þórir Þrastarson á Reyðarfirði, en hann var nemandi í Sjávarútvegsskóla Austurlands í fyrra.
„Þegar þau fóru að moka og leika sér ráku þau sig fljótt í hundakúk sem var ansi víða í sandinum og ég mokaði skít í þrjá poka af svæðinu,“ segir Unnur Óskarsdóttir, umsjónarkennari í Seyðisfjarðaskóla, en nemendur hennar gengu á fund bæjarstjóra í vikunni til þess að vekja máls á sóðaskap vegna hundaskíts á leikvellinum við Sundhöllina.
Til stendur að tvöfalda afkastagetu Búlandstinds á Djúpavogi seinni part sumars til að mæta auknu fiskeldi í haust þegar stærri árgangar koma til slátrunar en verið hefur. Framkvæmdastjórinn segir uppbygginguna hafa verið stöðuga síðan fyrirtækið tók til starfa fyrir þremur árum.
Unnur Birna Karlsdóttir, doktor í sagnfræði, hefur verið ráðin forstöðumaður Rannsóknarseturs Háskóla Íslands á Austurlandi. Með ráðningunni er á ný efld starfsemi sem hlé var gert á eftir hrun.
Nefnd, sem Jón Gunnarsson þáverandi samgöngumálaráðherra skipaði fyrir tæpu ár, fékk til skoðunar tvo kosti fyrir hugsanleg jarðgöng til Seyðisfjarðar. Tafir hafa orðið á skilum nefndarinnar vegna illviðráðanlegra ástæðna.
„Við höfðum engar hagnaðarvonir en bundum vonir við að staðurinn yrði rekstrarhæfur. Við gerðum okkur grein fyrir því að svona rekstur væri erfiður, enda lítið markaðssvæði og hörð samkeppni,“ segir Ragnar Sigurðsson, annar eigandi veitingastaðarins Gesks á Reyðarfirði, sem hefur nú verið lokað eftir eitt og hálft ár í rekstri.
Gengið hefur verið frá samkomulagi milli mennta- og menningarmálaráðuneytisins og sveitarfélagsins Fljótsdalshéraðs um uppbyggingu menningarhúsa á Egilsstöðum. Framkvæmdir gætu hafist strax á þessu ári.
Útlit er fyrir að samkomulag um nýjan meirihluta í Fjarðabyggð verði innsiglað fljótlega eftir helgi. Hluti af því verður að auglýsa stöðu bæjarstjóra.
Viðræður Framsóknarflokks og Fjarðalista um myndun nýs meirihluta í bæjarstjórn Fjarðabyggðar ganga vel að sögn oddvita Framsóknarflokks. Á Vopnafirði eru engar viðræður hafnar enn.