Allar fréttir
Allir farþegar Norrænu í sóttkví
Allir farþegar Norrænu sem koma með ferjunni á fimmtudag verða að fara í 5 eða 14 daga sóttkví. Nýjar og hertar reglur um COVID taka gildi á miðnætti. Farþegar sem koma til Íslands frá og með 19. ágúst geta valið á milli þess að fara í tvær sýnatökur vegna COVID-19 með 5 daga sóttkví á milli þar til niðurstaða seinni sýnatöku liggur fyrir, eða sleppa sýnatöku og sitja í 14 daga sóttkví frá komunni til landsins. Reglugerð heilbrigðisráðherra þessa efnis tekur gildi á miðnætti.
Strandveiðar stöðvaðar á fimmtudag
Sjávarútvegsráðherra hefur ákveðið að stöðva strandveiðar við landið frá og með fimmtudeginum.
Mörg hótel og gististaðir á Austurlandi loka í haust
Vegna COVID veirunnar liggur ljóst fyrir að mörg hótel og gististaðir á Austurlandi munu loka í haust. Raunar munu Hótel Hallormsstaður loka þegar eftir næstu helgi en Valaskjálf þann 1. september. Aðrir ætla að bíða aðeins og sjá til fram að mánaðarmótum september/október. Ljóst er að tugir ef ekki hundruð starfsmanna þessara gististaða missa vinnuna.
Átta virk smit meðal Austfirðinga
Átta virk Covid-19 smit eru skráð á Austurlandi, sem er einu fleira en í gær. Það skýrist af mismunandi skráningu gagna sem nú hefur verið leiðrétt.
Forstjóri Norrænu segir ástandið skelfilegt
Linda Björk Gunnlaugsdóttir forstjóri Norrænu segir að ástandið sé skelfilegt hjá þeim hvað farþegafjölda varðar í kjölfar hinna hertu COVID reglna og hvernig sumir farþeganna þurfa að bregðast við. Aðeins eru 190 farþegar um borð í ferjunni á leið til Íslands og fækkar sennilega í Færeyjum. Á sama tíma í fyrra voru þetta að jafnaði 1.100 til 1.300 farþegar sem komu í hverri ferð yfir sumarið. Ferjan kemur á morgun, fimmtudag, til Seyðisfjarðar.
