Slysahætta í Kambanesskriðum
Guðmundur Karl Jónsson skrifar um vegamál.
Stefanía vill 2.-3. sæti
Stefanía Kristinsdóttir býður sig fram í 2.-3. sæti Samfylkingarinnar í NA-kjördæmi. Stefanía hefur starfað sem framkvæmdastjóri Þekkingarnets Austurlands frá ágúst 2007. Hún er með BA gráðu í heimspeki auk þess sem hún er rekstrarfræðingur frá Háskólanum á Bifröst og með MBA gráðu frá Háskólanum í Reykjavík. Hún býr með fjölskyldu sinni á Egilsstöðum.
Höskuldur sækist eftir að leiða listann
Höskuldur Þórhallsson, þingmaður Framsóknarflokksins, sækist eftir að skipa efsta sæti á lista flokksins í Norðausturkjördæmi í þingkosningunum í vor. Höskuldur segist hafa fengið áskoranir um að gefa aftur kost á sér og að hann sækist eftir að leiða lista framsóknarmanna í Norðausturkjördæmi.
Sækist eftir 5. til 8. sæti í NA-kjördæmi
Bernharð Arnarson, bóndi að Auðbrekku í Hörgárdal gefur kost á sér í 5. – 8. sæti á framboðslista Framsóknarflokksins í Norðausturkjördæmi í næstu alþingiskosningum.
Guðrún Katrín sækist eftir 2.-3. sæti hjá Samfylkingu í NA-kjördæmi
Guðrún Katrín Árnadóttir frá Seyðisfirði býður sig fram í 2.- 3. sæti í prófkjöri Samfylkingarinnar í Norðausturkjördæmi. Guðrún Katrín hefur starfað að sveitarstjórnarmálum á Seyðisfirði og er nú formaður Samfylkingarfélags Seyðisfjarðar, auk þess sem hún situr í flokksstjórn Samfylkingarinnar og í kjördæmisráði Norðausturkjördæmis.
Herdís Björk vill 3.-4. sæti hjá Samfylkingu í NA-kjördæmi
Herdís Björk Brynjarsdóttir 25 ára, náms- og verkakona á Dalvík, hefur ákveðið að bjóða sig fram í prófkjöri Samfylkingarinnar í Norð-Austurkjördæmi. Hún óskar eftir stuðningi í 3.-4. sæti í prófkjörinu. Herdís Björk vann sem verkstjóri í frystihúsi Samherja á Dalvík í rúm þrjú ár en vinnur nú almenn störf samhliða námi.
Suðupottur hugmynda og verkefna
Þróunarfélag Austurlands hefur starfað að framþróun í atvinnulífi og jákvæðri samfélagsþróun á Austurlandi í 25 ár. Það starfar í raun sem útstöð Byggðastofnunar. Mikil áhersla hefur verið lögð á það frá upphafi að hafa starfsemi félagsins vel skilgreinda og þannig uppbyggða, að á hverjum tíma væri hægt að takast á við nýjustu og brýnustu verkefni samfélagsins.
Gísli sækist eftir 4.-6. sæti hjá Samfylkingu í NA-kjördæmi
Gísli Baldvinsson, náms- og starfsráðgjafi á Akureyri, sækist eftir 4.-6. sæti á lista Samfylkingarinnar í Norðausturkjördæmi í næstu kosningum. Gísli hefur starfað lengi að félagsmálum. Hann var formaður Kennarafélags Reykjavíkur og sat í stjórn Kennarasambandsins. Þá var hann formaður sambands karlakóra.
Björgvin Valur vill 5.-6. sæti hjá Samfylkingu í Reykjavík
Björgvin Valur Guðmundsson býður sig fram í 5.- 6. sæti í Reykjavík. Hann segist í tilkynningu hafa ákveðið að gefa kost á sér í 5.-6. sæti í prófkjöri Samfylkingarinnar í Reykjavík fyrir komandi Alþingiskosningar. „Þrátt fyrir að vera búsettur á Stöðvarfirði býð ég mig fram í Reykjavík og vil með því undirstrika nauðsyn þess að allt landið verði eitt kjördæmi," segir Björgvin Valur.
