AFL starfsgreinafélag ætlar ekki að afhenda Starfsgreinafélagi Íslands samningsumboð félaga sinna vegna kjarasamninga launanefndar sveitarfélaga, eins og venja hefur verið. AFL er nú þriðja fjölmennasta verkalýðsfélag landsins.
Bikarmeisturum Þróttar mistókst um helgina að tryggja sér sæti í undanúrslitum kvenna í blaki. Liðið á enn von en byrjaði vörnina illa í forkeppninni um helgina. Körfuknattleikslið Hattar tapaði fyrsta leik vetrarins.
Afli í austfirskum löndunarhöfnum minnkaði um tíu prósent í september samanborið við sama mánuð í fyrra. Alls var landað 15.419 tonnum á Austfjörðum, samanborið við 17.222 tonn í fyrra samkvæmt tölum frá Hagstofunni.
Skiptum á búi Tærgesen ehf., sem áður rak gistiheimilið Tærgesen á Reyðarfirði, er lokið. Lýstar kröfur í búið voru 87,5 milljónir en ekkert fékkst upp í þær.
AFL starfsgreinafélag vill að félagsmenn þess sem missi vinnuna vegna
gjaldþrota fyrirtækja njóti sömu réttinda og starfsmenn þeirra banka
sem orðið hafa gjaldþrota.Vernd ríkissjóðs gagnvart bankastarfsmönnum sé talsvert frábrugðin því sem til þessa hafi viðgengist á vinnumarkaði.
Sveitarfélögin Fjarðabyggð og Fljótsdalshérað stæðu upp úr ef öll sveitarfélög á Austurlandi yrðu sameinuð í eitt. Líklegast er að miðstöð stjórnsýslunnar yrði skipt milli þeirra eða sett í það stærra, Fjarðabyggð. Þetta kom fram í máli Grétars Þórs Eyþórssonar, prófessors við Háskólann á Akureyri, sem hélt fyrirlestur á þingi Sambands sveitarfélaga á Austurlandi um mögulegt eitt stórt sameinað sveitarfélag á Austurlandi.
Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.