Sinfóníuhljómsveit Íslands vill koma á framfæri þökkum til Austfirðinga fyrir frábærar móttökur
á tónleikum hljómsveitarinnar í Kirkju- og menningarmiðstöðinni á Eskifirði miðvikudaginn 5. nóvember síðastliðinn.
Miðvikudaginn 5. nóvember heldur Sinfóníuhljómsveit Íslands tónleika í Kirkju- og menningarmiðstöðinni Fjarðarbyggð á Eskifirði og daginn eftir á Hornafirði. Aðgangur er ókeypis og hefjast báðir tónleikarnir kl. 20.00.
Höttur vann Þór Þorlákshöfn tvisvar um helgina, í 1. deild karla og 32
liða úrslitum bikarkeppninnar í körfuknattleik á Egilsstöðum um
helgina. Þróttur Neskaupstað vann nafna sinn úr Reykjavík tvisvar í 1.
deild kvenna í blaki.
Nýjar jarðfræðirannsóknir benda til að olía finnist nær Austfjörðum en
áður hefur verið talið. Sérfræðingar eru farnir að horfa til svæðisins
í kringum Borgarfjörð eystri.
Framhaldsskólarnir á Austurlandi eru stöðugt að efla tengslin sín á milli og bjóða nú til dæmis upp á fjölbreytta möguleika í símenntun fyrir fullorðna.
Hættan á árekstrum við hreindýr hefur aukist mikið á síðustu árum, segir í fréttatilkynningu sem Náttúrustofa Austurlands hefur sent frá sér af gefnu tilefni. Hættulegustu staðirnir eru Kárahnjúkavegur og þjóðvegur 1 um Lón og Nes á Suðausturlandi.
Stjórn Stapa lífeyrissjóðs hefur ákveðið að lækka vexti sjóðfélagalána
um 0,5% vegna efnahagskreppunnar. Vegna óvissunnar í efnahagslífinu
hefur sjóðurinn einnig ákveðið að bjóða upp á nýja ávöxtunarleið í
séreignarsparnaði.
Fulltrúar AFLs, VR, Fljótsdalshéraðs, Fjarðabyggðar, Vinnumálastofnunar Austurlandi, Þekkingarnets Austurlands og Starfsendurhæfingar Austurlands, hittust í vikunni og hófu að stilla saman strengi í þeim erfiðleikum sem búast má við á vinnumarkaði á Mið-Austurlandi. 62 eru skráðir atvinnulausir á Austurlandi.