Ljós voru víða tendruð á austfirskum bæjarjólatrjám í gær og brugðið á leik með söng og snemmbúnum jólasveinkum. Í dag kviknuðu svo aðventuljósin í gluggum landsmanna, enda fyrsti sunnudagur í aðventu. Upphefst þar með formlegur undirbúningur fyrir hátíð ljóss og friðar. Er það kærkomið tækifæri til að víkja óyndi undanfarinna vikna til hliðar um stund og njóta aðventunnar í faðmi fjölskyldu og vina.
Veturinn hefur minnt á sig í gær og í dag með kuldagjósti og fannfergi. Á vegum fjórðungsins er víðast hvar snjóþekja eða hálka og skafrenningur. Breiðdalsheiði og Öxi eru ófærar og þungfært víða á fjallvegum. Vegfarendur ættu því að hafa varann á.
Meðal efnis: Austfirðingar sem eiga um sárt að binda vegna fátæktar geta víða leitað aðstoðar. / Þórólfur Matthíasson, prófessor við Háskóla Íslands, segir beint samband milli stórframkvæmdanna á Austurlandi og fjármálakreppunnar. / Hvað segir Helga Jónsdóttir, bæjarstýra í Fjarðabyggð, um setu sína í bankastjórn Nýja Kaupþings og hvernig það samræmist störfum hennar sem bæjarstýru? / Viðtal Gunnars Gunnarssonar við Elfar Þórarinsson úr Fljótsdal. / Helga Steinsson skrifa samfélagsspegil Austurgluggans að þessu sinni og fjallar um samfélag þjóðanna á Austurlandi. / Hollvinasamtök Fjórðungssjúkrahússins í Neskaupstað hafa nú náð því markmiði sínu að gefa tæki til allra deilda sjúkrahússins.
Á morgun, sunnudag, verður efnt til ráðstefnu um austfirsk matvæli og möguleika til eflingar þeirra. Verkefnið er á vegum Þróunarfélags Austurlands og Vaxtarsamnings. Miklir möguleikar eru taldir vera í þróun og markaðssetningu matvæla og verður farið yfir þá á ráðstefnunni.
Hjördís Þóra Sigurþórsdóttir, formaður AFLs starfsgreinafélags, segir verkalýðshreyfinguna nú hafa eitt besta tækifæri síðari ára til að hafa mótandi áhrif á samfélagið. Stéttarfélög og samtök þeirra eigi núna að vinna á þann hátt að félagsmenn þeirra geti verið stoltir af því að tilheyra þeim.
Ríkisútvarpið ætlar að hætta svæðisbundnum útsendingum á Egilsstöðum. Hugsanlega hætta þær um áramót. Starfsmenn svæðisútvarpsins á Austurlandi eru slegnir og telja litla hagræðingu fólgna í að leggja svæðisútvarpið af. Hins vegar verði stofnunin af auglýsingatekjum á Austurlandi, langt umfram kostnað við útsendingar.
700IS Hreindýraland, alþjóðleg kvikmynda- og myndbandslistahátíð á Austurlandi, sem er samstarfsverkefni Menningarmiðstöðvar Fljótsdalshéraðs, hlaut á þriðjudag einnar milljónar króna styrk frá Atvinnusjóði kvenna. Styrkirnir voru afhentir af Jóhönnu Sigurðardóttur félagsmálaráðherra við hátíðlega athöfn í Þjóðmenningarhúsinu við Hverfisgötuna. Alls hlutu 56 verkefni styrk af 264 umsóknum.
Heilbrigðisstofnun Austurlands hefur barist í bökkum í rekstri sínum síðustu árin. Þjónustuaukning vegna virkjunar- og álversframkvæmda vógu þungt og lítil mótframlög fengust frá ríkinu þrátt fyrir mjög aukið álag á HSA. Nú á enn að skera niður.
Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.