Garnaveiki greind á bæ í Fellum
Matvælastofnun hefur staðfest að garnaveiki hafi greinst á sauðfjárbúinu Refsmýri í Fellum. Tryggja þarf bólusetningu gegn veikinni á Héraði.„Hárrétt að biðja um aðstoð björgunarsveitar“
Björgunarsveitin Jökull aðstoðaði konu, sem hafði slasast á fæti, á göngu á Rauðshaug á Fljótsdalshéraði á þriðjudagskvöld. Með konunni í för voru tvö börn. Formaður björgunarsveitarinnar segir konuna hafa tekið rétta ákvörðun með að óska eftir hjálp.Utankjörfundaratkvæðagreiðsla um sameiningu í fullum gangi
Mánuður er í dag liðinn síðan hægt var að byrja að kjósa utankjörfundar í kosningum um sameiningu Fljótsdalshéraðs, Borgarfjarðarhrepps, Djúpavogshrepps og Seyðisfjarðarkaupstaðar. Formaður samstarfsnefndar sveitarfélaganna hvetur þá sem kjósa utan svæðisins til að gera það tímanlega.Snýst um að sameina sveitarfélög, ekki samfélög
Deiliskipulag og staðbundnar gjaldskrár verða verkefni heimastjórna verði Fljótsdalshérað, Djúpavogshreppur, Seyðisfjarðarkaupstaður og Borgarfjarðarhreppur sameinuð í eitt sveitarfélag. Sveitarstjóri Djúpavogshrepps segir lagt upp með að heimastjórnirnar hafi raunverulegt vald.Höggið af loðnubresti hlutfallslega þyngst á Vopnafirði
Útsvarstekjur Vopnafjarðarhrepps drógust saman um 5,6% á fyrri helmingi ársins samanborið við sama tíma í fyrra. Tekjutap hreppsins og Fjarðabyggðar vegna loðnubrests er samanlagt metið á um 300 milljónir. Sjávarútvegssveitarfélög krefjast þess að fá hluta af auðlindagjaldi í sjávarútvegi til að byggja upp fjölbreyttara atvinnulíf sem mætt geti sveiflum sem þessum.Ástæða til bjartsýni í makrílveiðum á næsta ári
Ráðgjöf Alþjóðahafrannsóknaráðsins (ICES) gefur tilefni til bjartsýni um makrílveiðar á næstunni. Nauðsynlegt er að fylgjast náið með ástandi norsk-íslenska síldarstofnsins og kolmunna.Nýtt hljóðver opnar á Stöðvarfirði
Hljóðverið Stúdió Síló sem tilheyrir Sköpunarmiðstöðinni á Stöðvarfirði verður formlega opnað næstkomandi sunnudag. Hljóðverið hefur verið í byggingu undanfarin misseri og tók til starfa í sumar.
Lúxus síldarvertíð
Gengið hefur vel að veiða síld fyrir austan land og vinnsla á henni í fiskiðjuveri Síldarvinnslunnar í Neskaupstað hefur verið samfelld undanfarið.
Hrókeringar á Djúpavogi
Stofnfundur Skákdeildar ungmennafélagsins Neista í Djúpavogi var haldinn í gærkvöldi. Hugmyndin að deildinni fæddist eftir að tekin var upp skákkennsla í Djúpavogsskóla.
Gistinóttum á hótelum fjölgaði um 12% í ágústmánuði
Gistinóttum á hótelum á Austurlandi fjölgaði um 12% í ágústmánuði samanborið við sama mánuð árið 2018. Mesta fjölgunin á landsvísu var á Suðurnesjum eða 19%. Á einum stað fækkaði gistinóttum og var það á Vesturlandi og Vestfjörðum.