Fyrsti mars er mikilvæg dagsetning. Ekki vegna þess að þann dag kom út fyrsta símaskrá Íslands eða vegna þess að þann dag 1989 var fyrsta skipti hægt að kaupa bjór í landinu. Öllu frekar af því að þann dag, í kvöld nánar tiltekið, fer fram allra fyrsti viðburður nýstofnaðs Listunnendafélags Austurlands.
Haukur Óskarsson, Arnold Mulder og Keith Preston tóku í fyrra við rekstri matsölustaðarins The Filling Station á Seyðisfirði og grænmetisinnflutningi undir merkjum Austurlands Food Coop. Haukur er uppalinn Seyðfirðingur og rak áður Skaftfell bistro. Hann flutti heim í Covid-faraldrinum eftir 20 ár í Hollandi við listsköpun og matseld.
Tveir minnisvarðar um fólk sem flutti frá Íslandi til Norður-Ameríku voru afhjúpaðir á Austfjörðum í síðusta haust, annars vegar á Seyðisfirði, hins vegar við Hof í Vopnafirði. Minnisvarðarnir eru gjöf frá átthagafélaginu Icelandic Roots en um 20 manna hópur frá félaginu ferðaðist um landið í tilefni af tíu ára afmæli félagsins.
Börn og unglingar í Skíðafélagi Stafdals (SKÍS) hyggjast um helgina reyna að safna sér í ferðasjóð vegna Andrésar Andarleikana og gera það með þeim allsérstæða hætti að hvert og eitt þeirra mun skíða sem nemur lengd hæsta fjalls veraldar.
Leikfélag Menntaskólans á Egilsstöðum (LME) frumsýnir í kvöld söngleikinn Litlu hryllingsbúðina í Sláturhúsinu á Egilsstöðum. Formaður leikfélagsins segir undirbúninginn hafa verið snarpan en gengið vel og tilhlökkun ríki í leikhópnum.
Þrír Austfirðingar, þau Hlynur Karlsson, Irena Fönn Clemmensen og Patryk Slota tóku þátt í Evrópumóti iðn-, tækni- verkgreina eða Euroskills í Gdansk í Póllandi síðasta haust. Þau eiga það öll sameiginlegt að hafa hafið iðnnám sitt í Verkmenntaskóla Austurlands (VA) en Patryk var sá eini sem lauk því þaðan og keppti undir merkjum skólans úti. Austurfrétt ræddi við Patryk og Irenu um keppnina.
Tónlistarunnendur geta valið að fara á tvöfaldan djasskokteil í Tónlistarmiðstöð Austurlands í stað þess að sitja heima yfir Söngvakeppninni annað kvöld. Á Stöðvarfirði verða tvennir tónleikar um helgina. Fyrirlestur er á Skriðuklaustri á konudaginn en á morgun er boðað til mótmæla gegn hernaðinum í Mið-Austurlöndum á Egilsstöðum.
Hvers konar vopnaburður er óheimill í dómsal, líka á öskudaginn. Dómritari fór yfir reglurnar með þeim börnum sem komu í Héraðsdóm Austurlands í dag, áður en þau komu fyrir dómara til að syngja.