Riða greind á bæ á Jökuldal
Riða hefur greinst á bænum Merki á Jökuldal. Öllu fé á bænum verður
slátrað á næstunni. Sýni var greint úr kind sem slátrað var í sláturhúsi
í haust.
Allar fréttir
Völva Agl.is: Engar samgöngubætur á Austurlandi
Austfirðingar fá engar þeirra samgöngubóta sem þeir harðast hafa barist
fyrir síðustu misseri á árinu. Atvinnulífið er í kreppu og Norðlendingar
reyna að ná til sín fyrirtækjum af Fljótsdalshéraði. Þetta er meðal
þess sem fram kemur í fimmta hluta völvuspár Agl.is fyrir árið 2012.
Vilhjálmur fyrstur í heiðurshöll ÍSÍ
Vilhjálmur Einarsson varð í dag fyrsti maðurinn til að vera tekinn inn í
nýstofnaða heiðurshöll Íþrótta- og ólympíusambands Íslands. Vilhjálmur
varð árið 1956 fyrsti Íslendingurinn til að vinna til verðlauna á
ólympíuleikum þegar hann fékk silfurverðlaun í þrístökki á leikunum í
Melbourne í Ástralíu.
Viðbúnaður vegna lendingar farþegavélar frá Egilsstöðum
Viðbúnaður var á Reykjavíkurflugvelli í morgun þegar Fokker 50 vél
Flugfélags Íslands á leið frá Egilsstöðum kom þar inn til lendingar.
Viðvörunarbúnaður gaf til kynna að lendingarbúnaður vélarinnar væri ekki
í lagi.
KPMG boðar til fróðleiksfundar um skattamál
Endurskoðunarfyrirtækið KPMG boðar til opins fróðleiksfundar á Hótel Héraði á Egilsstöðum mánudaginn 30. janúar klukkan 16:15.
Völva Agl.is: Þjóðin hendir ríkisstjórninni frá
Ríkisstjórn Íslands hrökklast frá eftir að þjóðin leggur til atlögu við þinghúsið. Í kjölfarið kemur utanþingsstjórn, skipuð af forsetanum Ólafi Ragnari Grímssyni sem útlit er fyrir að verði áfram í embætti. Sú ríkisstjórn kemur aftur skikkan á fjárhag Íslands. Þetta er meðal þess sem fram kemur í sjötta hluta völvuspár Agl.is fyrir árið 2012.
Völva Agl.is: Næsti biskup verður kona
Næsti biskup Íslands verður kona, ef marka má völvu Agl.is. Hressilega
mun gusta um Ríkisútvarpið sem þjóðinni finnst erfitt að geta ekki
hreinlega sagt upp. Kínverjar reyna að kaupa upp heiminn og Barack Obama
verður endurkjörinn forseti Bandaríkjanna. Þetta er meðal þess sem fram
kemur í fjórða hluta spárinnar fyrir árið 2012.
