Sækja um lóð fyrir olíubirgðastöð í Reyðarfirði

Höfundur: Steinunn Ásmundsdóttir • Skrifað: 23. apríl 2009.

Verkfræðistofan Mannvit hefur sótt um lóð fyrir 244.000 rúmmetra olíubirgðastöð á Reyðarfirði, fyrir hönd Atlantic Tank Storage og var fjallað um umsóknina í umhverfisnefnd Fjarðarbyggðar í gær. Birgðastöðin er hönnuð fyrir geymslu á almennum olíuvörum þ.m.t.  bensíni, gasolíu og jarðolíu og er gert ráð fyrir að í stöðinni verði um 13 geymar. Áætlaður byggingartími er 15-18 mánuðir og er gert ráð fyrir 120 til 150 ársverkum við byggingu stöðvarinnar. Þegar byggingunni er lokið munu þrír til fimm starfsmenn annast reksturinn.

Skrifað í Lífið

Lesa meira

Áhyggjur af innköllun veiðiheimilda

Höfundur: Steinunn Ásmundsdóttir • Skrifað: 21. apríl 2009.

Aðalfundur Loðnuvinnslunnar hf. var haldinn 17. apríl. Í umræðum um sjávarútvegsmál lýstu fundarmenn miklum áhyggjum af hugmyndum stjórnarflokkanna um innköllun veiðiheimilda og að allur fiskur skuli seldur á fiskmarkaði. Verði innkölluð 5% á ári fara um 160 tonn af bolfiski frá Loðnuvinnslunni ár hvert og eftir 6 ár verður búið að innkalla 1000 tonn af bolfiski frá Fáskrúðsfirði. Verði útgerðin skylduð til að selja allan afla í gegnum fiskmarkaði er rekstri fiskvinnslufyrirtækja í hinum dreifðu byggðum landsins komið í algjört uppnám og starfsöryggi fiskvinnslufólks verulega ógnað.

Skrifað í Lífið

Lesa meira

Færri konur í framboði

Höfundur: Steinunn Ásmundsdóttir • Skrifað: 21. apríl 2009.

Mun færri konur eru á framboðslistum flokkanna fyrir alþingiskosningarnar á laugardag en í kosningunum 2003 og 2007. Hlutfall kvenna er nú rúm 40% en var rúm 47% árið 2007. Lakast er hlutfall kvenna í Norðausturkjördæmi eða 33% en hæst er hlutfallið í Reykjavíkurkjördæmi norður, 45%. Hlutfallslega fæstar konur eru í framboði fyrir P-lista Lýðræðishreyfingarinnar eða 19% en flestar hjá Samfylkingunni og Vinstri grænum, tæplega 51%. Frá þessu greinir á mbl.is.

Skrifað í Lífið

Lesa meira

Eitt hundrað milljónum úthlutað til ferðaþjónustu

Höfundur: Steinunn Ásmundsdóttir • Skrifað: 22. apríl 2009.

Eitt hundrað milljónum króna hefur verið úthlutað til fjörtíu ferðaþjónustuverkefna um allt land samkvæmt vef iðnaðarráðuneytisins. Alls bárust 210 umsóknir um styrkina. Styrkir til menningar- og heilsuferðaþjónustu eru áberandi en einnig til náttúruskoðunar ýmiss konar. Styrkirnir eru fjármagnaðir af byggðaáætlun og er ætlað að renna frekari stoðum undir uppbyggingu atvinnugreinarinnar á landsbyggðinni.

Skrifað í Umræðan

Lesa meira

Samið um fjármögnun skólabyggingar

Höfundur: Steinunn Ásmundsdóttir • Skrifað: 21. apríl 2009.

Íslandsbanki og Fljótsdalshérað hafa gert með sér samning um fjármögnun á ný- og endurbyggingu við Grunnskólann á Egilsstöðum. Verkefnið er eitt það stærsta sem sveitarfélagið hefur ráðist í en gert er ráð fyrir að nýja byggingin verði rúmir fjögur þúsund fermetrar.

Skrifað í Lífið

Lesa meira

Fjörugar umræður

Höfundur: Steinunn Ásmundsdóttir • Skrifað: 22. apríl 2009.

Fjörugur stjórnmálafundur á vegum nemenda í stjórnmálafræði við Menntaskólann á Egilsstöðum var haldinn í gærkvöld. Um 180 manns mættu og tóku meðal annarra núverandi og fyrrverandi nemendur menntaskólans, sem nú skipa sæti á framboðslistum í Norðausturkjördæmi til máls. Fyrir svörum sátu Arnbjörg Sveinsdóttir Sjálfstæðisflokki, Sigmundur Ernir Rúnarsson Samfylkingu, Steingrímur J. Sigfússon Vinstri hreyfingunni grænu framboði, Ásta Hafberg Frjálslynda flokknum, Björk Sigurgeirsdóttir Borgarahreyfingunni og Birkir Jón Jónsson Framsóknarflokki.

Stjórnmálafræðinemar skipulögðu sem fyrr segir fundinn, með dyggri handleiðslu Jóns Inga Sigurbjörnssonar kennara.

Skrifað í Lífið

Lesa meira

Fljótsdalshérað fær 100 milljónir í viðbótarframlag

Höfundur: Steinunn Ásmundsdóttir • Skrifað: 21. apríl 2009.

Kristján L. Möller samgönguráðherra afhenti bæjarstjóra Fljótsdalshéraðs í dag staðfestingu á greiðslu 100 milljóna króna viðbótarframlags Jöfnunarsjóðs sveitarfélaga vegna sameiningar Austur-Héraðs, Norður-Héraðs og Fellahrepps árið 2004.

Skrifað í Lífið

Lesa meira