Körfubolti: Tveir úrslitaleikir framundan hjá Hetti
Höttur á enn möguleika á að komast í úrslitakeppni úrvalsdeildar karla í körfuknattleik en getur líka með mikilli ólukku fallið. Liðið tapaði 84-89 gegn Keflavík í síðustu umferð.
Knattspyrna: Höttur/Huginn tapaði fyrir Magna í Lengjubikarnum
Höttur/Huginn var eina austfirska liðið til að spila í Lengjubikarnum í knattspyrnu um síðustu helgi og tapaði þar gegn Magna á Grenivík. Hin liðin spila öll um næstu helgi.
Blak: Þróttur vann Stálúlf í fyrstu umferð krossumferðar
Þróttur Neskaupstað vann Stálúlf 3-0 í fyrstu umferð krossumferðar úrvalsdeildar karla í blaki þegar liðin mættust í Neskaupstað í gær. Í krossumferðinni er leikið um laus sæti í úrslitakeppninni.
Blak: Spilað í nýja íþróttahúsinu á Reyðarfirði
Um helgina var nóg um að vera í blaki hjá yngri flokkum og í neðri deildum. Íslandsmót í neðri deildum karla var haldið í Neskaupstað og á Reyðafirði þar sem nýtt íþróttahús reyndist vel. Á sama tíma fór fram Íslandsmót í neðri deildum kvenna á Akureyri þar sem ungar Þróttarstúlkur komust uppum deild og U20 lið karla sigraði bikarmeistara Völsungs.
Körfubolti: Höttur fékk sigurkörfu í andlitið tveimur sekúndum fyrir leikslok
Möguleikar Hattar á að komast í úrslitakeppni úrvalsdeildar karla í körfuknattleik minnkuðu heldur á laugardagskvöld þegar liðið tapaði 87-86 fyrir Grindavík á útivelli. Höttur var yfir þegar 20 sekúndur voru eftir af leiknum.
Knattspyrna: KFA áfram með fullt hús í Lengjubikarnum
Knattspyrnufélag Austfjarða hefur unnið alla þrjá leiki sína í B-deild Lengjubikars karla það sem af er. Marteinn Már Sverrisson skoraði þrennu í sigri á Dalvík/Reyni um síðustu helgi. Fjarðabyggð/Höttur/Leiknir vann einn og tapaði einum í suðurferð í Lengjubikar kvenna.
Fjórir keppendur UÍA á palli á bikarmóti á skíðum
Sextán keppendur frá UÍA tóku þátt í fyrsta bikarmóti ársins í svigi og stórsvigi sem haldið var um síðustu helgi. Fjórir fóru heim með verðlaun.
Blak: bikarhelgin að baki
Kjörísbikarinn í blaki fór fram um helgina þar sem keppt var í undanúrslitum og úrslitum. Kvennalið Þróttar Fjarðabyggðar keppti í undanúrslitum gegn liði KA. Í leiknum hafði KA yfirhöndina allan tímann og tryggði sér öruggan sigur 3-0 og þannig áfram í úrslitin. Þróttarstúlkur voru því úr leik í þetta sinn.
