Íslandsmeistaralið Þróttar í blaki kvenna flaug í morgun til Danmerkur þar sem liðið tekur þátt í Norðurlandamóti um helgina. Þjálfari liðsins býst við erfiðri helgi með miklu leikjaálagi og sterkum mótherjum.
Bikarmeistarar Stjörnunnar tryggðu sér í kvöld sæti í 16 liða úrslitum í bikarkeppni karla í körfuknattleik eftir 59-86 sigur á Hetti en liðin mættust á Egilsstöðum. Matthew Hairston átti stjörnuleik fyrir Stjörnuna en hann lék sinn fyrsta leik með liðinu.
Karlalið Þróttar vann fyrri leik sinn en tapaði þeim seinni gegn Þrótti Reykjavík í Mikasa-deild karla í blaki um helgina. Kvennaliðið vann sinn leik örugglega en leikirnir fóru allir fram í Neskaupstað. Þjálfarar bæði karla- og kvennaliðsins segja leikina gefa góð fyrirheit um það sem framundan er.
Viðar Örn Hafsteinsson, spilandi þjálfari körfuknattleiksliðs Hattar, segir marga jákvæða punkta hafa verið í leik liðsins gegn úrvalsdeildarliði Stjörnunnar í 32ja liða úrslitum bikarkeppni karla. Bikarmeistararnir hafi einfaldlega verið of góðir fyrir fyrstu deildar liðið.
Höttur tekur á móti ríkjandi meisturum Stjörnunnar í 32ja liða úrslitum bikarkeppni karla í körfuknattleik annað kvöld. Þjálfari Hattar segir bikarkeppnina litlu liðanna til að koma á óvart og hvetur áhorfendur til að mæta snemma í íþróttahúsið til að styðja við liðið.
Tvær austfirskar sveitir spiluðu um helgina í efstu deild á Íslandsmótinu í bridge. Nokkur ár eru síðan Austfirðingar áttu síðast sveit í deildinni.
Teitur Örlygsson, þjálfari bikarmeistara Stjörnunnar í körfuknattleik, hrósaði leikmönnum Hattar fyrir góða baráttu í leik liðanna í 32ja liða úrslitum bikarkeppninnar á Egilsstöðum í kvöld. Hann var ánægður með innkomu nýja Kanans í sitt lið en fannst aðrir leikmenn slaka heldur mikið á.
Egilsstaðabúinn Ólafur Bragi Jónsson, heimsmeistari í torfæruakstri, var valinn akstursíþróttamaður ársins 2013 á lokahófi Akstursíþróttasambands Íslands sem haldið var í Hafnarfirði á laugardag.
Blaklið Þróttar í Neskaupstað taka á móti nafna sínum úr Reykjavík um helgina. Körfuknattleikslið Hattar heimsækir Fjölni í Grafarvogi í fyrstu deild karla.
Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.