Fyrrverandi gjaldkeri starfsmannafélags Fjarðaáls, Sóma, hefur verið dæmdur í átta mánaða fangelsi en þar af eru sex mánuðir skilorðsbundnir fyrir að draga sér fé. Sakfellt var fyrir fjórtán ákæruliði af sextán.
Ferðaskrifstofan Discover the World hóf í morgun sölu á flugferðum milli Lundúna og Egilsstaða næsta sumar. Samhliða er ráðist í mikla markaðssetningu á Austurlandi í Englandi.
Bæjarráð Fjarðabyggðar fagnar því að fengin sé niðurstaða í mál sem AFL Starfsgreinafélag höfðaði gegn sveitarfélaginu fyrir hönd tveggja starfsmanna þess þrátt fyrir að sveitarfélagið hafi tapað málinu. AFL hyggst sækja laun starfsmannanna aftur í tímann.
Vegurinn út með Eskifirði í gamla Helgustaðahreppi er enn lokaður þar sem hætta er talin á skriðuföllum. Lítil skriða fór af stað þar í gær.
Hollendingur sem gripinn var með mikið magn fíkniefna eftir að hafa komið til Seyðisfjarðar með Norrænu í byrjun september hefur verið úrskurðaður í gæsluvarðhald fram í desember. Farið var fram á gæsluvarðhaldið á grundvelli almannahagsmuna.
Nemendur og starfsmenn Verkmenntaskóla Austurlands sýndu samstöðu gegn einelti á táknrænan hátt þegar þeir hittust á fótboltavellinum á mánudaginn og mynduðu hjarta.
Rýmingu í Helgustaðahreppi vegna skriðhættu og hættuástandi þar með var aflýst klukkan þrjú í dag. Svæðið verður vaktað áfram næstu daga.
Helgustaðavegi í Eskifirði var lokað um kvöldmatarleytið í kvöld vegna mikilla vatnavaxta. Fjárbúið Engjabakki var rýmt í kvöld þar sem talin er skriðuhætta á svæðinu.
Auglýst er eftir umsóknum í Uppbyggingarsjóð Austurlands fyrir árið 2016. Tilgangur sjóðsins er að styrkja menningar- og nýsköpunarverkefni og önnur verkefni sem falla að sóknaráætlun Austurlands.
Hjörtur Magnason hefur verið ráðinn héraðsdýralæknir Matvælastofnunar í Austurumdæmi. Stofnunin leitar að dýraeftirlitsmanni á svæðið.
Mælingamenn á vegum Veðurstofunnar fóru af stað í birtingu í morgun til að kanna aðstæður út með Eskifirði þar sem hætta er talin á skriðuföllum. Sérfræðingur segir veðurspár hagstæðari en verið hafa.
Í gær var gengið frá kaupum Árnýjar Vatnsdal og Gísla Arnar Gíslasonar á Hótel Tanga á Vopnafirði. Þau hafa rekið hótelið í eitt og hálft ár og segja það hafa gengið vel.
Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.