Velferðarráðherra tók í síðustu viku á móti gjöfum sem Fjórðungssjúkrahúsinu í Neskaupstað (FSN) hafa borist undanfarið ár. Samanlagt verðmæti gjafanna nemur yfir 70 milljónum króna. Fleiri tæki á sjúkrahúsinu þarfnast endurnýjunar fljótlega.
Sigmundur Davíð Gunnlaugsson, formaður Framsóknarflokksins og oddviti hans í Norðausturkjördæmi, flutti nýverið lögheimili sitt á Hrafnabjörg 3 í Jökulsárhlíð. Hann segist hafa hrifist af umhverfinu í Hlíðinni.
Vopnafjarðarhreppur er tekinn við rekstri dvalarheimilisins Sundabúðar. Um er að ræða tveggja ára verkefni með stuðningi velferðarráðuneytisins. Á tímabili leit út fyrir að hjúkrunarheimilinu yrði lokað vegna niðurskurðarkröfu. Því var afstýrt og segja Vopnfirðingar að þeim sé létt yfir að málið sé í höfn.
Um þessar mundir er unnið að nýrri reglugerð um innflutning plantna. Sérfræðingur segir að herða þurfi reglugerðina til að koma í veg fyrir að nýir skaðvaldar berist til landsins með plöntum sem hingað koma.
Sá samdráttur sem orðið hefur í skógrækt undanfarin ár á eftir að leiða til niðursveiflu í greininni eftir áratugi vegna hráefnisskorts. Niðurskurðurinn bitnar harðast á landsbyggðinni og svæðum þar sem atvinnulíf er þegar einhæft.
Tryggja verður að strandveiðar séu ekki þannig útfærðar að þeir sem haft hafi lífsviðurværi sitt af sjávarútvegi verði fyrir skaða. Mikilvægara er að nota orkuauðlindir til að skapa störf á Íslandi fremur en selja rafmagn um sæstreng til Evrópu.
Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.