Veiði bendir til þess að bleikjum hafi fækkað töluvert í Norðfjarðará síðustu tvö ár. Orsakir þess eru óþekktar en áin hefur verið ein helsta bleikjuveiðiá Austurlands.
„Við urðum strax forvitin um lýsingar Íslendings á stríði á erlendri grundu,” segir Einar Kári Jóhannsson, framkvæmdastjóri Unu útgáfuhúss sem hefur endurútgefið bókina Undir fána lýðveldisins með endurminningum byltingarmannsins Hallgríms Hallgrímssonar sem fyrstur Íslendinga tók sér vopn í hönd til að berjast gegn uppgangi fasisma í Evrópu. Hallgrímur var fæddur í Mjóafirði og fórst undan ströndum Langaness.
Hætt er við að þeir sem starfa við sjávarútveg missi stóra spón úr aski sínum verði ekkert úr loðnuvertíð. Enn er haldið í vonina því þekkt er að enn séu góðar líkur á veiðum upp úr miðjum mars.
Næsta umferð loðnuleitar hefst um helgina þegar skipin Ásgrímur Halldórsson og Polar Amaroq láta úr höfn. Formaður Samtaka fyrirtækja í sjávarútvegi segir grafalvarlega stöðu uppi ef engin loðna finnst.
Áætlað er að sveitasjóður og hafnarsjóður Fjarðabyggðar verði samanlagt af 260 milljónum króna ef engin loðna veiðist. Engar ákvarðanir hafa verið teknar um breytingar hjá sveitarfélaginu í ljósi tekjutapsins.
Embætti landlæknis hefur staðfest að ellefu mánaða gamalt barn hafi smitast af mislinum. Talið er að barnið hafi smitast af því að vera í sama flugi og einstaklingur með mislinga.
Tæpa tvo vinnudaga þurfti til að koma beltagröfu til Mjóafjarðar til að hreinsa til eftir krapaflóð í Borgeyrará um síðustu helgi. Lagfæringar á árfarveginum hófust loks í gær.
Erlendur karlmaður hefur verið úrskurðaður í farbann í allt að átta vikur vegna aðildar sinnar að flutningi fíkniefna til og frá landinu. Annar einstaklingur er í haldi vegna málsins. Grunur er um að Íslendingar tengist því.
Elín Díanna Gunnarsdóttir, dósent í sálfræði og deildarformaður við Háskólann á Akureyri, segir rannsóknir benda endurtekið til þess að félagsleg tengsl séu einn af þeim þáttum sem leiða til jákvæðrar aðlögunar við starfslok. Austurbrú, í samvinnu við stéttarfélög og ýmsa aðila á Austurlandi, stóð nú í febrúar fyrir námskeiði fyrir þá sem farnir eru að huga að starfslokum.
Formaður bæjarráðs segir að ræða þurfi aðgerðir til að tryggja bættar samgöngur við Mjóafjörð sem gjarnan verði útundan þegar ákvarðanir séu teknar af ríkinu. Alvarlegt ástand skapaðist þar um síðustu helgi þegar skriða féll í gegnum þorpið.