Lögreglan á Egilsstöðum skoðar nú hvort áfengislög hafi verið brotin með sölu matarrauðvíns í Nettó á Egilsstöðum. Verslunarstjórinn segir að vínið hafi áður verið fjarlægt tímabundið úr íslenskum matvöruverslunum en ekki reynst innistæða fyrir að halda því þaðan.
Atvinnuástand meðal menntaðra iðnaðarmanna á Austurlandi er gott sem og atvinnuástandið almennt í fjórðungnum. Helst eru það störf sem teljast sem „hefðbundin kvennastörf" sem skortir í fjórðungnum.
Fósturvísatalningamaðurinn Gunnar Björnsson hefur vart komið heim til sín í rúman mánuð. Hann kemur víða við á um tveggja vikna ferð sinni um Austurland.
Fækkun mokstursdagar á Möðrudalsöræfum kunna að hafa áhrif á flutninga sjúklinga á milli Akureyrar og Neskaupstaðar. Forstjóri Heilbrigðisstofnunar Austurlands telur tímabundna minni þjónustu ekki ógna öryggi sjúklinga.
Fyrsta sprenging Norðfjarðarmegin við ný Norðfjarðargöng var sprengd í gærkvöldi og nótt. Með því er hafinn eiginlegur gangagröftur í Fannardal.
Íbúafundur verður haldinn á Breiðdalsvík í kvöld í tengslum við verkefnið „Breiðdælingar móta framtíðina." Á fundinum verður farið yfir skilaboð íbúaþings sem haldið var í byrjun nóvember og hvernig þeim hefur verið fylgt eftir. Atvinnumál voru þar í brennidepli.
Um fjórðungur þess fjármagns sem forsætisráðuneytið hefur úthlutað til verkefna sem tengjast húsafriðun, vernd sögulegra og menningartengdra byggða, fornleifa og málefna græna hagkerfisins á þessu kjörtímabili hafa fallið í skaut austfirskra verkefna. Alls koma 52 milljónir austur í sjö verkefni.
Talsmaður Vegagerðar ríkisins harðneitar að fækkun mokstursdaga á Möðrudalsöræfum og Vopnafjarðarheiði úr sex í tvo sé gerð í sparnaðarskyni. Aðstæður leyfi einfaldlega ekki meira. Heimamenn eru ekki jafn sannfærðir.
Austfirskar sveitastjórnir gagnrýna harðlega ákvörðun Vegagerðarinnar um að fækka mokstursdögum á Möðrudalsöræfum og Vopnafjarðarheiði úr sex í tvo. Bent er á að ákvörðunin hafi neikvæð áhrif á bæði mann- og atvinnulíf í fjórðungnum.
María Hjálmarsdóttir, verkefnastjóri hjá Austurbrú, segir allt Ísland vera markaðssvæði mögulegs millilandaflugs um Egilsstaðaflugvöll. Hún telur ýmsa möguleika vera fyrir hendi varðandi slíkt flug en til að það komist á og viðhaldist þurfi innviðirnir að vera í lagi.
Icelandair skoðar möguleikann á að bjóða upp á millilandaflug frá Egilsstaðaflugvelli sumarið 2015. Farþegar gætu þá innritað sig í flug Flugfélags Íslands á Egilsstöðum sem flytti þá til Keflavíkur og þar gætu menn farið vandræðalítið á milli hliða. Ekkert er þó ákveðið um verkefnið.
Lögreglan á Egilsstöðum óskar eftir því að ná sambandi við ökumann bifreiðar sem ók utan í dökka Cherokee jeppabifreið á bifreiðastæðinu við Bónus á Egilsstöðum í gær, sunnudag, um klukkan 14:00 eða hvern þann sem einhverja vitneskju hefur um málið.
Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.