Smáþjóðaleikar: Kvennalandsliðið í blaki verðlaunað fyrir prúðmennsku
Íslenska kvennalandsliðið í blaki fékk viðurkenningu fyrir framkomu sína á Smáþjóðaleikunum.Nýr löndunarkrani á leiðinni og afskipanir framundan
Nú á næstunni er búist við tveimur flutningaskipum til landsins á vegum HB Granda. Um helgina er von á flutningaskipinu Ice Louise til Vopnafjarðar frá Noregi með löndunarkrana fyrir fiskimjölsverksmiðjuna, sem er enn einn liðurinn í öflugri uppbyggingu uppsjávarvinnslu félagsins á staðnum. Í næstu viku verður svo flutningaskipið Viking Frio á ferðinni í Reykjavík og síðan er von er á skipinu til Vopnafjarðar þar sem lestaðar verða ýmiss konar afurðir til útflutnings.
Vannært fé og hræ í fjárhúsunum
Ábúendur á Stórhól í Álftafirði brutu reglur um meðferð búfjár. Féð var vannært og skepnur sem drápust á sauðburði voru enn í fjárhúsunum.
Megas á Norðfirði í kvöld
Megas og Senuþjófarnir halda tónleika í Hótel Egilsbúð í Neskaupstað í kvöld.
Miðasala hafin á Bræðsluna
Hafin er miðasala á tónlistarviðburðinn Bræðsluna, sem haldin verður á Borgarfirði eystra 24. til 26. júlí. Bræðslutónleikar hafa alltaf verið sérstaklega eftirminnilegir og þar ríkt mikil stemning meðal gesta. Tónlistarflutningur í Bræðslunni þetta árið verður í höndum Hins íslenska Þursaflokks, Páls Óskars Hjálmtýssonar og Monicu Abentroth ásamt strengjasveit og hljómsveitarinnar Bróður Svartúlfs. Hún sigraði Músíktilraunir í vor. Miðasala fer fram á vefsíðunni www.midi.is.
Áhyggjur af gróðurbrunum á Héraði
Baldur Pálsson, slökkviliðsstjóri hjá Brunavörnum á Héraði, segist hafa sívaxandi áhyggjur af gróðurbrunum á Héraði. Slökkvilið hefur seinustu tvær vikur verið kallað tvisvar út vegna sinubruna á svæðinu.
Blak: Landsliðið vann Lúxemborg
Íslenska kvennalandsliðið í blaki vann í gær lið Luxemborgar 3-0 á smáþjóðaleikunum. Þrír leikmenn frá Þrótti Neskaupstað eru í liðinu.
Franskir flökunarhnífar
Safnið Fransmenn á Íslandi á Fáskrúðsfirði fékk á dögunum flökunarhnífa sömu gerðar og notaðir voru af frönskum skútusjómönnum hér við land á árum áður. Það var Jean Le Tellier sem er mikill áhugamaður um Ísland og gefur út fréttabréf á frönsku um Ísland, Courrier D´Islande, sem færði safninu þessa einstöku gjöf.