Líklega hægt að ljúka Hófaskarðsleið um mitt næsta sumar

Höfundur: Steinunn Ásmundsdóttir • Skrifað: 23. október 2009.

Ekki þarf að fara fram umhverfismat vegna legu um 2 km vegarkafla vestast á Hófaskarðsleið. Þetta er úrskurður Skipulagsstofnunar. Undirbyggður hefur verið um 30 km langur vegur milli Öxarfjarðar og Þistilfjarðar en lokakaflinn vestast frestaðist vegna þófs um legu hans. Væntanlega verður hægt að halda framkvæmdum áfram þegar kærufrestur er útrunninn í nóvember og framkvæmdaleyfi liggur fyrir frá sveitarstjórn, að því tilskyldu að ekki berist kærur. Slitlag ætti því að geta verið komið á veginn um mitt næsta sumar.

Sorpflokkun gengur vel á Fljótsdalshéraði

Höfundur: Steinunn Ásmundsdóttir • Skrifað: 23. október 2009.

Nýjar flokkunarreglur sorps á Fljótsdalshéraði virðast virka með ágætum og þegar hefur töluvert magn úrgangs verið sett í moltu og endurvinnslu á vegum Íslenska gámafélagsins. Félagið vísar á bug sögusögnum um að allt heimilissorp sé urðað.

Lesa meira

Merkri sögu pósthúss á Seyðisfirði að ljúka

Höfundur: Steinunn Ásmundsdóttir • Skrifað: 21. október 2009.

Pósthúsið á Seyðisfirði flytur á morgun inn á Landsbankann í bænum. Pósturinn hefur verið til húsa við Hafnargötu 4 og fer nú á númer 2 við sömu götu. Opnunartíminn er 12:30-16 virka daga líkt og í bankanum. Pósturinn segir í tilkynningu að engin breyting verði á þjónustu við viðskiptavini vegna samstarfsins við Landsbankann. Það liggur þó fyrir að opnunartími póstafgreiðslu skerðist frá því sem var. Sama fyrirkomulag er haft á póstþjónustu á Austurlandi á Vopnafirði, Fáskrúðsfirði, Stöðvarfirði og nú Seyðisfirði.

Lesa meira

Ekkert gsm-mastur á Selöxl

Höfundur: Steinunn Ásmundsdóttir • Skrifað: 23. október 2009.

Bæjarstjórn Fljótsdalshéraðs hefur hafnað leyfi fyrir uppsetningu gsm-masturs á vatnsmiðlunargeymi á Selöxl, í nýlegu íbúðarhverfi innan Egilsstaðabæjar. Við upphaflega afgreiðslu byggingarleyfis láðist að láta fara fram grenndarkynningu vegna mastursins.

Lesa meira

Ákærður fyrir manndráp af gáleysi

Höfundur: Steinunn Ásmundsdóttir • Skrifað: 22. október 2009.

Tæplega tvítugur karlmaður hefur verið ákærður fyrir manndráp af gáleysi og umferðarlagabrot á Fáskrúðsfirði.

Lesa meira

Helmingur fjármuna lán til skyldra aðila

Höfundur: Steinunn Ásmundsdóttir • Skrifað: 20. október 2009.

Staða peningamarkaðsbréfa Landsbanka Íslands mánuði fyrir hrun í fyrra var þannig að yfir 50% fjármuna sjóðsins voru lán til skyldra aðila, þ.e. Landsbankans sjálfs, Samsonar, Eimskipafélagsins og Straums-Burðaráss. Þetta segir Sverrir Mar Albertsson, framkvæmdastjóri AFLs Starfsgreinafélags, en félagið hefur undir höndum yfirlit frá Landsbankanum yfir fyrirtæki sem höfðu fé að láni frá Landsvaka hf. síðasta haust.

Lesa meira

Nítjánda bók Vilhjálms um Brekku og Dali í Mjóafirði

Höfundur: Steinunn Ásmundsdóttir • Skrifað: 23. október 2009.

Vilhjálmur Hjálmarsson frá Brekku í Mjóafirði gaf á dögunum út sína 19. bók; Bændatal og byggðaröskun. Vilhjálmur ritar í bókinni um sögu sinnar heimasveitar. Hann tekur saman bændatöl tveggja jarða í Mjóafirði; Brekku og Dala, í þrjúhundruð ár eða allt frá 1700. Saman við fléttast sú byggðaröskun sem orðið hefur og gerbreytt ásýnd fjarðarins.

Lesa meira

Mál yfirlæknis aftur til ríkissaksóknara

Höfundur: Steinunn Ásmundsdóttir • Skrifað: 22. október 2009.

Ríkisútvarpið greindi frá því í gær að ríkisendurskoðun sé búin að vísa máli yfirlæknis Heilsugæslu Fjarðabyggðar til ríkissaksóknara. Þegar leitað var staðfestingar þessa hjá ríkisendurskoðun í dag kvaðst embættið ekki tjá sig um málið að svo stöddu en á næstunni yrði send út fréttatilkynning.

Lesa meira

Tilkynning frá Landsvaka vegna fréttar frá Afli

Höfundur: Steinunn Ásmundsdóttir • Skrifað: 20. október 2009.

Landsvaki hf. telur ástæðu til að leiðrétta meintar alvarlegu rangfærslur sem Björn Þór Guðmundsson, framkvæmdastjóri Landsvaka, segir koma fram í tilkynningu stjórnar AFLs Starfsgreinfélags Austurlands. Þar sagði að stjórn AFLs hyggðist stefna sjóðstjórum Landsvaka, er önnuðust upplýsingagjöf til félagsins og fóru með fjámuni þess, til greiðslu bóta vegna þeirra fjármuna er félagið tapaði við uppgjör fjárfestingarsjóðsins Peningabréf Landsbankans ISK.