Listahátíð ungs fólks á Austurlandi stendur nú sem hæst á Seyðisfirði og er verulega líflegt í bænum. Í vikunni hafa gengið á fjölmargir viðburðir á vegum hátíðarinnar, í höfn komið tvö skemmtiferðaskip og einnig Norræna með alla sína farþegafjöld að vanda. Í dag opna fjórar sýningar samhliða í bænum; ljósmyndasýning LungA 2000-2009, ,,We Go Places" í gamla bakaríinu, ,,Lífsmörk" í gömlu bókabúðinni og ljósmyndasýning Helga Snæs á Vesturvegg Skaftfells. Hönnunarsýning Lunga verður í kvöld í Strandarsíldarskemmu. Meðal þátttakenda í Lunga eru allir sumarstarfsmenn ungmennavinnuflokks Landsvirkjunar í Fljótsdalsstöð, en þeir eru þar í boði fyrirtækisins og halda launum á meðan.
Oddviti Djúpavogshrepps segir að ákvörðun Heilbrigðisstofnunar
Austurlands um að loka dvalarheimilinu Helgafelli hafi verið tekin án
samráðs við forráðamenn sveitarfélagsins. Hann gagnrýnir orðalag
fréttatilkynningar framkvæmdastjóra HSA frá í gærkvöldi.
Pramminn sem flutti tíu mjöltanka fiskimjölsverksmiðju HB Granda úr Örfirisey í Reykjavík kom í gærkvöldi til Vopnafjarðar með farm sinn. Ferðin tók þrjá daga. Verksmiðjan verður notuð við nýja loðnubræðslu HB Granda á Vopnafirði. Mjöltankarnir eru 22 metra háir og auk þeirra var búnaður fiskimjölsverksmiðjunnar fluttur með. Hver tankur er jafn hár og sjö hæða hús og í öryggisskyni var ákveðið að rafsjóða þá fasta við þilfarið á prammanum. Þegar allt er talið vóg farmurinn um 600 tonn. Flutningurinn gekk vel og fjölmenntu Vopnfirðingar á höfnina til að taka á móti flutningaprammanum, auk þess sem nokkrir bátar sigldu út til móts við hann í firðinum.
Dvalarheimilið Helgafell á Djúpavogi verður ekki opnað á ný eftir
sumarleyfi. Forsvarsmenn Heilbrigðisstofnunar Austurlands (HAS) telja
ekki forsvaranlegt að reka heimilið áfram með jafn fáum vistmönnum og
raun ber vitni.
Á fundi bæjarráðs Fljótsdalshéraðs 8. júlí var staðfest tillaga fræðslunefndar frá 3. júlí um að gengið verði til samninga við Helgu Magneu Steinsson um starf skólastjóra við Hallormsstaðaskóla. Staðan var fyrir stuttu auglýst laus til umsóknar frá og með næsta skólaári. Alls bárust átta umsóknir um stöðuna. Helga hefur komið að skólamálum mestan sinn starfsaldur og var m.a. skólameistari Verkmenntaskóla Austurlands til margra ára. Undanfarin misseri hefur Helga starfað sem verkefnisstjóri hjá Fjölmenningarsetri.
Tillaga um
að leggja inn aðildarumsókn hjá Evrópusambandinu var í dag samþykkt á Alþingi með 33 atkvæðum gegn 28 en tveir þingmenn sátu
hjá. Í kjölfarið fögnuðu menn ýmist eða hörmuðu niðurstöðuna, líkt og þessi
íbúi á Egilsstöðum, sem flaggaði íslenska fánanum í hálfa stöng til að sýna
vonbrigði sín.
Sveitarfélagið Fjarðabyggð hefur samið við rekstraraðila veitingahússins Frú Lúlúar í Neskaupstað um afnot af Vélsmiðjunni á Nesi við Norðfjörð. Ætla rekstaraðilar Frú Lúlú að laga húsið til húsið, þannig að það verði miðstöð listviðburða, gjörninga og tónleika næstu tvo mánuði.Þá mun það þurfa að víkja samkvæmt skipulagi, vegna fyrirhugaðrar leikskólabyggingar. Alþjóðlegu sjálfboðaliðasamtökin Veraldarvinir ætla að aðstoða Frú Lúlu við að koma húsnæðinu í nothæft form.Síldarvinnslan og Samvinnufélag Útgerðarmanna í Neskaupstað hafa styrkt framtakið. Þegar er byrjað að laga ásýnd hússins og snurfusa það til innandyra.
Menntamálaráðuneytið hefur farið þess á leit við mannvirkjasvið Fjarðab yggðar að þrír skólastjórabústaðir í sveitarfélaginu verði verðmetnir með hugsanlega sölu í huga. Íbúðarhúsin eru í eigu Fjarðabyggðar (25%) og ráðuneytisins (75%) sameiginlega. Eru þetta Skólavegur 75 á Fáskrúðsfirði, Lambeyrarbraut 8 á Eskifirði og Breiðablik 11 á Norðfirði.
