HÍ opinn stúdentum í sumar

Háskóli Íslands hefur ákveðið að gefa stúdentum kost á að nýta aðstöðu í Háskólanum í sumar til að vinna að námi sínu. Einnig er verið að kanna möguleika á að bjóða upp á valin námskeið og að halda skrifleg próf í ágúst. Í þessu sambandi er í mörg horn að líta, s.s. varðandi kostnað, námskeiðaval, gæðakröfur og skipulag og umsýslu. Stórfellt atvinnuleysi stúdenta í sumar er fyrirsjáanlegt. Í tilkynningu frá skólananum segir að hann hafi að markmiði að vinna með stúdentum og stjórnvöldum að því að finna leiðir til að auka þjónustu við stúdenta í sumar eins og nokkur er kostur.

hi.jpg

 

Lesa meira

Bæjarstjórn sendi niðurskurðartillögu til föðurhúsanna

Bæjarstjórn Fljótsdalshéraðs samþykkti ekki tillögu bæjarráðs og fræðslunefndar sveitarfélagsins frá því í mars um að fella niður álagsgreiðslur í hádegi hjá starfsmönnum leikskóla. Álagsgreiðslurnar höfðu verið framlengdar tímabundið við gerð síðustu kjarasamninga. Tillögurnar voru fram komnar vegna sparnaðaraðgerða hjá sveitarfélaginu. Bæjarstjórn samþykkti samhljóða að vísa tillögunni aftur til bæjarráðs. Starfsmenn leikskóla sveitarfélagsins héldu fund í vikunni þar sem fram kom megn óánægja með tillögu fræðslunefndarinnar, en greiðslurnar vega talsvert í launum starfsmanna.

fljtsdalshra_merki.jpg

Vara við tækifærispólitík

Fullveldissinnar finna aldrei flöt á fullveldisafsali, segir í fréttatilkynningu frá L-lista fullveldissinna. Listinn varar alvarlega við tækifærispólitík og hentistefnu gömlu stjórnmálaflokkanna sem hvergi verði átakanlegri en í orðræðu Sjálfstæðisflokks og Vinstri grænna um ESB mál. Í hádegisfréttum og viðtali við Fréttablaðið í vikunni sagðist Steingrímur J. Sigfússon formaður VG geta fundið þann flöt á Evrópumálunum sem samrýmist stefnu Samfylkingar.

l-listinn_enginn-bakgrunnur.gif

Lesa meira

HK Íslandsmeistarar í blaki

HK tryggði sér Íslandsmeistaratitilinn í gærkvöld með því að leggja lið Þróttar Nes í Neskaupstað 0-3 (21-25,12-25,14-25). Lið HK átti afbragðsgóðan leik og gaf engin færi á sér. Fyrsta hrinan var jöfn en heimastúkur náðu ekki að halda kraftinum út alla hrinuna  og endaði hún 21-25. Síðari tvær hrinurnar voru nokkuð keimlíkar. HK náði miklu forskoti  strax í upphafi í báðum hrinum og náði m.a  7 stigum á móti 0 í annari hrinu, eftir það varð ekki við neitt ráðið og virtust þær ekki finna taktinn aftur þrátt fyrir gríðarlegan stuðning áhorfenda sem fylltu íþróttahúsið. 

hk_slandsmeistarar.jpg

Lesa meira

Hreinn Haraldsson skipaður vegamálastjóri

Kristján L. Möller samgönguráðherra hefur skipað Hrein Haraldsson vegamálastjóra. Skipað er í embættið til fimm ára. Embætti vegamálastjóra var auglýst laust til umsóknar í byrjun mars og rann umsóknarfrestur út 23. mars. Hreinn var eini umsækjandinn. Samgönguráðherra afhenti Hreini skipunarbréf í dag á skrifstofu ráðuneytisins. Vegamálastjóri veitir Vegagerðinni forstöðu. Helstu verkefni Vegagerðarinnar skiptast í framkvæmdir í vegamálum, umsjón með rannsóknum og þróun á sviði vegamála auk stjórnsýslu og eftirlits.

hreinn_haraldsson_vegamlastjri.jpg

Fiðrildi dansa á flugvellinum

Á morgun, föstudag, mun Dansfélagið Fiðrildin sýna þjóðdansa fyrir flugfarþega og almenning á Egilsstaðaflugvelli. Hefst sýningin kl. 19:45. Michelle Lynn Mielnik, félagi í Fiðrildunum, segir þetta vera fyrstu sýningu félagsins í þó nokkurn tíma, en jafnframt þá fyrstu af mörgum sem verða í sumar, meðal annars í tengslum við ferðaþjónustu.

firildi.jpg

Lesa meira

Fréttaritaraþjálfun ungs fólks

UNICEF á Íslandi hefur hleypt af stokkunum verkefninu Fréttaritaraþjálfun unga fólksins í samstarfi við RÚV og Morgunblaðið. Um er að ræða þjálfun ungra ‚fréttaritara‘ á aldrinum 13-16 ára (öllum opið í 8., 9. og 10. bekk) um allt land þar sem ungmenni fá þjálfun í að koma hugmyndum og skoðunum sínum á framfæri í fjölmiðlum. Þjálfunin hefur þegar farið fram á Ísafirði og í Reykjavík. Næst verður farið til Egilsstaða dagana 16.-18. apríl.

unicef.gif

Lesa meira

Fékk ekki að fjarlægja vélar

Í gær voru vélar í eigu Fossvíkur ehf., sem áður rak frystihúsið á Breiðdalsvík, kyrrsettar með úrskurði sýslumannsins á Eskifirði. Aðili á vegum Fossvíkur kom þeirra erinda að fjarlægja vélar í eigu fyrirtækisins úr frystihúsinu, þar sem Festarhald ehf. rekur nú matvælavinnslu.

frystihs__breidalsvk.jpg

Lesa meira

Demo

Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.

Samfélagsmiðlar

Þessi síða notar vafrakökur (e. cookies) til þess að upplifun þín af henni sé sem best og til þess að hjálpa okkur að veita þér sem besta þjónustu.