Aron Gauti Magnússon, sem í vikunni skipti úr Fjarðabyggð í Hött, verður gjaldgengur með Egilsstaðaliðinu í kvöld þegar það tekur á móti Magna frá Grenivík í toppslag þriðju deildar karla í knattspyrnu. Aron Gauti segist hafa gengið til liðs við Hött í von um fleiri tækifæri með meistaraflokki.
Fjarðabyggð tekur á móti Gróttu á morgun í uppgjöri tveggja efstu liðanna í annarri deild karla í knattspyrnu. Hetti gengur vel í 1. deild kvenna og vann stórsigur á Sindra í vikunni.
Huginn náði í þrjú dýrmæt stig þegar liðið vann ÍR 2-1 á Seyðisfjarðarvelli á laugardag. Segja má að heimamenn hafi stolið sigrinum með marki úr vítaspyrnu tíu mínútum fyrir leikslok því þangað til höfðu Huginsmenn aðallega hafst við á eigin vallarhelmingi.
Skipuleggjendur torfærukeppni sem haldin verður í Mýnesgrús við Egilsstaði á morgun vonast eftir miklum tilþrifum og harðri keppni þeirra sem mæta til leiks. Um verður að ræða einhverja fjölmennustu keppni ársins.
Um sextíu börn sóttu í dag handknattleiksæfingar með landsliðsmönnunum Björgvini Páli Gústafssyni, Aroni Pálmasyni og Guðjóni Val Sigurðssyni á Egilsstöðum. Guðjón Valur segir þremenningana hafa fundið fyrir hlýjum móttökum.
Höttur getur komist í efsta sæti B-riðils fyrstu deildar kvenna þegar liðið tekur á móti Álftanesi. Gestirnir leika tvo leiki á Austurlandi um helgina. Huginn á heimaleik í annarri deild karla og Einherji í þriðju deildinni þar sem Höttur og Leiknir hvíla.
Hjólreiðamenn Hleðsluliðsins og Workforce A voru fyrstir í Wow Cyclothon hjólreiðakeppninni til að hjóla í gegnum Egilsstaði tæpum sólarhring eftir að þeir voru ræstir af stað úr Reykjavík.
Guðjón Valur Sigurðsson, Björgvin Páll Gústafsson og Aron Pálmason, landsliðsmenn í handknattleik, leggja í dag af stað í ferð um landið til að safna peningum fyrir Barnaspítala Hringsins og kynna handknattleik. Egilsstaðir verða fyrsti viðkomustaðurinn í ferðinni.
Hestamannafélagið Blær á Norðfirði heldur sína árlegu æskulýðsdaga á Kirkjubólseyrum um helgina. Dagskrá hefst í fyrramálið og eru 30 krakkar skráðir til leiks.
Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.