Félagarnir Hilmar Gunnlaugsson, Ívar Ingimarsson og Hafliði Hafliðason hafa nú um nokkurt skeið unnið að uppbyggingu miðstöðvar þokurannsókna, sagna úr lífi og leik Íslendinga (Austfirðinga) er tengjast þokunni og fróðleiks um þoku, eðli hennar og áhrif.
Lokið var við að rýma svæðið norðan Dyngjujökuls upp úr klukkan þrjú í nótt en lögreglustjórarnir á Húsavík og Seyðisfirði ákváðu að gera það í öryggisskini vegna hættu á eldgosi í Bárðarbungu og hamfarahlaupi í Jökulsá á Fjöllum.
Skemmtiferðaskipið Voyager tók stefnuna til suðurs en það hætti við að leggjast að bryggju á Seyðisfirði á laugardag vegna veðurs. Vonast er til að ferðaþjónustuaðilar sem þurftu að bregðast skjótt við til að undirbúa komu skipsins beri ekki fjárhagslegan skaða að.
Almannavarnardeild ríkislögreglustjóra stefnir á að funda með hagsmunaaðilum á Austurlandi á Egilsstöðum í fyrramálið út af mögulegu eldgosi í Bárðarbungu.
Í lok síðustu viku var búið að grafa yfir 3 km af áætlaðri heildarlengd nýrra Norðfjarðarganga, eða rétt um 40% þeirra 7.566 metra sem verða grafnir í bergi. Um tveir þriðju hlutar þessa hafa verið grafnir Eskifjarðarmegin, en um þriðjungur í Fannardal.
Sumarbústaður í Seldal í Norðfjarðarsveit er illa farinn eftir eldsvoða í dag. Einn var í bústaðnum og var hann fluttur á sjúkrahús með grun um reykeitrun.
Héraðsdómur Austurlands dæmdi nýverið smábátaútgerð til að greiða sjómanni þriggja mánaða laun, alls ríflega 1,8 milljónir króna, í vangoldin laun í veikindafríi. Útgerðin hélt því fram að sjómaðurinn hefði leynt mikilvægum upplýsingum um heilsufar sitt.
Jarðskjálftahrinan við Bárðarbungu heldur áfram og eru hræringarnar túlkaðar svo samkvæmt fréttum að kvika streymi upp undir Bárðarbungueldstöðina og leiti síðan út í innskotsgang til norðausturs undir Dyngjujökli. Bryndís Skúladóttir landvörður Vatnajökulsþjóðgarðs á austursvæði í Kverkföllum hefur verið á svæðinu að undanförnu en var kölluð heim eftir að ákveðið var að almannavarnir ákváðu að rýma svæðið í gærkvöldi.
Lögreglustjórarnir á Húsavík og Seyðisfirði ákváðu í dag að loka og rýma hálendið norðan Dyngjujökuls vegna jarðhræringanna í kring um Bárðarbungu undanfarna daga. Lögregluþjónar úr Seyðisfjarðarumdæmi fóru upp á hálendið í kvöld til að vinna að rýmingunni.
Engum leiðum hefur enn verið lokað austan Jökulsár á Fjöllum vegna hugsanlegs eldgoss í Bárðarbungu. Hjá Vatnajökulsþjóðgarði er fylgst náið með þróun mála. Viðbúnaður almannavarna er á óvissustigi.
Vinna stendur yfir þessa dagana við að flytja yfir 100 tonn af gömlum raflínuundirstöðum frá Hryggstekk í Skriðdal til urðunar. Undirstöðurnar voru urðaðar án leyfis yfirvalda fyrir tæpum áratug.