Klasasamstarf um markaðssetningu á vetrarferðum á Austurlandi hlaut hæsta styrkinn, fjórar milljónir króna, þegar úthlutað var úr Þróunarsjóði ferðamála í gær. Af þeim 33,5 milljónum sem úthlutað var fóru 9,55 milljónir til fjögurra austfirskra verkefna.
Tveggja vikna frí er framundan á greftri nýrra Norðfjarðarganga. Gröfturinn hefur gengið vel síðustu þrjár vikur eftir hæga byrjun og þykja aðstæður í berginu góðar.
Þórunn Egilsdóttir, þingmaður Framsóknarflokksins frá Vopnafirði, er meðal stofnenda að hópi jákvæðra á Alþingi. Markmið hópsins er að bæta vinnustaðamenninguna á þinginu.
Ritstjóri fréttaskýringaþáttarins Kastljóss segir það „tilhæfulausar staðhæfingar" að umsjónarmenn þáttarins hafi lagt sig fram um að dekkja myndefni af álveri Alcoa Fjarðaáls sem sýnt var með fréttaskýringu um flúormengun í Reyðarfirði í fyrrakvöld.
Hart hefur verið deilt um skipulag í tengslum við byggingu nýs leikskóla í Neskaupstað síðustu mánuði. Skólinn á að vera á Neseyri og greinir menn á um hvort færa eigi Nesgötu niður fyrir skólann. Sá gjörningur eykur kostnað, gæti tafið framkvæmdir og takmarkað stækkun skólans.
Sveitarstjórnarmenn á Seyðisfirði segjast finna fyrir auknum skilningi meðal þingmanna og annarra yfirvalda á þörfinni fyrir að bæta úr samgöngumálum við staðinn. Þeir fagna tillögum í frumvarpi að fjárlögum næsta árs um 30 milljóna króna framlag til rannsóknaborana fyrir jarðgöng undir Fjarðarheiði.
Björgunarsveitir Slysavarnarfélagsins Landsbjargar á Austurlandi héldu áfram leit að skipverjanum sem saknað er af flutningaskipinu Alexiu í birtingu í morgun.
Sala jólatrjáa stendur sem hæst þessa dagana. Fyrr í vikunni voru um 200 jólatré send frá Héraði suður í Hafnarfjörð þar sem þau fara á markað Skógræktarfélags Hafnarfjarðar.
Aðgerðir til að snúa við rekstri Seyðisfjarðarkaupstaðar hafa skilað árangri en voru sársaukafullar. Lítið svigrúm er til framkvæmda næstu árin á meðan skuldir sveitarfélagsins verða greiddar niður.
ÍAV hefur gert vetrarhlé á viðgerðum í húsum sem greinst hafa með mygluskemmdir í Votahvammi á Egilsstöðum. Framkvæmdir hafa gengið hægar heldur en vonir stóðu til.
Forsvarsmenn Kaupfélags Fáskrúðsfirðingar, sem á bróðurpartinn í Loðnuvinnslunni, mótmæla harðlega miklum niðurskurði í heilbrigðisþjónustu á Fáskrúðsfirði. Bæjarfulltrúar segja ljóst um að verja þurfi þjónustuna á staðnum.
Hjörleifur Guttormsson, fyrrverandi alþingismaður, telur hugmyndir um hálendisveg norðan Vatnajökuls óraunhæfar og gerir verulegar athugasemdir við forsendur sem gefnar hafa verið fyrir verkefninu.
Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.