Áætlað er að reiðhöllin á Hornafirði verði tilbúin til notkunar á vordögum, en búið er að reisa 8 bil af 13 og hefur gengið vel þegar viðrað hefur til framkvæmda. Reiðhöllin er 1570 fermetrar og er hún 54,35 metrar að lengd og 24 metrar að breidd. Hesthús er áfast við reiðhöllina og mun það rúma um 20 hross og er það 270 m2 að stærð.
Strangir útboðsskilmálar Landsvirkjunar vegna útboðs
á rekstri mötuneytis og ræstinga í Fljótsdalsstöð hafa fælt heimamenn frá því
að bjóða í verkin. Þetta segir oddviti Fljótsdalshrepps. Talsmaður
Landsvirkjunar segir skilyrðin í samræmi við gæðastefnu fyrirtækisins. Útboðin
verða opnuð á morgun.
Síldveiðar í haust gengu með afbrigðum vel hjá Skinney-Þinganes á Hornafirði, þótt langt hafi verið að sækja síldina, en eins og kunnugt er hefur hún haldið sig í Grundarfirði.
Tvö tilboð bárust
í rekstur mötuneytis og ræstingar í Fljótsdalsstöð. Útboðin voru opnuð fyrir
helgi en eins og Austurglugginn greindi frá fældust heimamenn stranga útboðsskilmála.
Heilbrigðisstofnun
Austurlands hefur tekið við rekstri dvalarheimilisins Helgafells á Djúpavogi.
Viðvarandi halli var á rekstri heimilisins og segir Björn Hafþór Guðmundsson, oddviti
Djúpavogshrepps, að erfitt hafi verið að verja hann öllu lengur. Í bókun
sveitarstjórnar segir gleðilegt að ákvörðun um að hreppurinn hætti rekstri
dvalarheimilisins hafi ekki leitt til að því yrði lokað.
Djúpavogshreppur sem er eitt hinum svokölluðu jaðarsveitarfélögum hefur sett ný viðmið fyrir önnur sveitarfélög á Austurlandi með gjaldfrjálsum leikskóla.
Um Eskifjarðarbæ gengur nú út um allt undirskriftalisti þar sem beðið er um stuðning við forsetaframboð Guðmundar Ragnars Kristjánssonar frá Eskifirði. Austurglugginn hefur þær fréttir að þegar hafi um 70 undirskriftir safnast og að heimamenn séu auðfúsir að sýna framboði Guðmundar stuðning.
Í nýjasta tölublaði fréttabréfs Framsóknarflokksins kemur fram að Framsóknarfélag Héraðs og Borgarfjarðar stendur nú í ströngu við undirbúning glæsilegs framsóknarteits sem haldið verður þann 11. janúar n.k. eða á föstudaginn í næstu viku.