Hver er Austfirðingur ársins 2024?
Austurfrétt hefur staðið fyrir kosningu um Austfirðing ársins frá því að vefurinn hóf göngu sína árið 2012. Nú gefst lesendum tækifæri til að tilnefna þá sem þeir telja eiga heima í kjörinu fyrir afrek á nýliðnu ári.
„Ég vildi verða eins góður kennari og ég get orðið“
Ania Czeczko, sem fædd er í Póllandi, lauk nýlega kennaraprófi frá Háskóla Íslands og starfar sem kennari á Djúpavogi. Hún segir að ástríðan fyrir því að kenna hafi knúið hana áfram í gegnum krefjandi nám, með stuðningi frá fjölskyldu og samstarfsfólki.
Frá klifri í trjám til doktorsritgerðar um birkiskóga
Guðrún Óskarsdóttir, gróðurvistfræðingur hjá Náttúrustofu Austurlands, varði síðasta doktorsritgerð sína. Umfjöllunarefni ritgerðarinnar er vistfræði og nýliðun birkistofnsins á Skeiðarársandi og hún byggir á þremur greinum sem fjalla um: þróunarmynstur fyrstu kynslóðar stofnsins í tíma og rúmi, fræframleiðslu- og gæði og tilkomu annarrar kynslóðar birkis á sandinum.
Þrettándagleðinni á Djúpavogi frestað vegna veðurs
Þrettándagleði sem halda átti á Djúpavogi í dag hefur verið frestað vegna veðurs. Þrettándagleðin á Egilsstöðum er hins vegar á áætlun.
Uppgröfturinn í Firði einn sá stærsti og ríkulegasti á Íslandi
Fornleifauppgreftri á rústum landnámsbæjarins Fjarðar á Seyðisfirði lauk í september. Að baki er uppgröftur sem er með þeim umfangsmestu í Íslandssögunni, en líka einn sá ríkulegasti. Í jörðinni reyndist vera bæði meira af minjum og eldri en talið var þegar byrjað var að kanna svæðið.
Áhersla á að varðveita verklega námið
Bjargey Anna Guðbrandsdóttir tók í haust við sem nýr verkefnastjóri Hallormsstaðaskóla. Helstu verkefni hennar snúa að því að laga nám skólans að þeim kröfum sem þarf að uppfylla til að það teljist fullgilt háskólanám. Hún segir miklu máli skipta að standa vörð um það verknám sem byggst hefur upp í kringum skólann. Ráðning hennar er hluti af samstarfi Hallormsstaðaskóla og Háskóla Íslands.
Djúpavogsbúar ánægðir með að fá nýtt afdrep í Faktorshúsinu
Faktor brugghús, ölstofa og kaffihús, opnaði síðasta vor í Faktorshúsi á Djúpavogi, einu elsta timburhúsi landsins. Opnunin var enn einn áfanginn í tæplega 180 ára sögu hússins. Enn er þó aðeins hluti hússins kominn í notkun.
