Meiri flokkun og endurvinnsla á Fljótsdalshéraði
Nú styttist í að þær breytingar á sorphirðu á Fljótsdalshéraðs, sem ákveðnar hafa verið með samningi við Íslenska gámafélagið, taki gildi, með enn frekari áherslu á flokkun og endurvinnslu.
Hillir undir viðgerð á þakkanti Fjarðabyggðarhallar
Loks hefur fundist lausn á því hver á að bera kostnað vegna viðgerðar á þakköntum Fjarðabyggðarhallarinnar á Reyðarfirði. Landsafl, dótturfélag Landic Property skal borga brúsann samkvæmt dómskvöddum matsmanni. Málið hefur verið til meðferðar í hartnær tvö ár. Áætlaður kostnaður er um 18 milljónir króna. Landsafl byggði Fjarðabyggðarhöllina og leigir hana til sveitarfélagsins Fjarðabyggðar.
Fyrirlestur um gróðurfarssögu Héraðs
Vísindagarðurinn vill vekja athygli á Vísindakaffi á morgun, þar sem Sverrir Aðalsteinn Jónsson líffræðingur mun halda fyrirlestur um gróðurfarsögu á Fljótsdalshéraði síðustu tvö þúsund árin. Fyrirlesturinn verður haldinn í Gistihúsinu Egilsstöðum og hefst kl. 16:30.
Áhyggjur af Norðfjarðarflugvelli
Unnið er að samkomulagi milli Flugstoða og sveitarfélagsins Fjarðabyggðar um rekstur Norðfjarðarflugvallar. Þjónustusamningur milli þessara tveggja aðila er útrunninn og hafa flugstjórar sjúkraflugs hjá Mýflugi tjáð áhyggjur af ástandi vallarins til heilbrigðis- og samgönguráðuneytis með bréfi.
Nýir íbúar boðnir velkomnir
Í vikunni boðaði móttökufulltrúi nýrra íbúa til fundar á Stöðvarfirði. Á fundinn mættu embættismenn Fjarðabyggðar, fulltrúar frá Krabbameinsfélagi Austurlands og Þekkingarnetinu og fjöldinn allur af Stöðfirðingum.
Hækka grunnframfærslu LÍN um 20%
Ríkisstjórnin samþykkti á fundi sínum í gær tillögu félags- og tryggingamálaráðherra og menntamálaráðherra um að hækka grunnframfærslu Lánasjóðs íslenskra námsmanna um 20%, samhliða ýmsum aðgerðum sem ætlað er að tryggja sparnað í námslánakerfinu og atvinnuleysistryggingakerfinu sem þessari hækkun svarar.
Svíþjóðarmeistari í fitnesskeppni
Hornfirðingurinn og Nesjamaðurinn Pálmar Hreinsson hefur undanfarin þrjú ár búið í Svíþjóð og starfar sem fitness þjálfari hjá fótboltaliði í Stokkhólmi. Hann tók um sl. helgi þátt í Sænska meistaramótinu í Cross-Fit og gerði sér lítið fyrir og varð Svíþjóðarmeistari í þessari vinsælu og stöðugt vaxandi þrekíþrótt.
Valdefling í verki í Neskaupstað
Málþing um valdeflingu í verki, á vegum Hlutverkaseturs, Rauða kross Íslands, Félags- og tryggingamálaráðuneytisins og SAust, verður haldið í Safnaðarheimilinu Neskaupstað á morgun, 10. september nk. kl. 8.30 – 16.00. Málþingið á erindi við alla, fagfólk í heilbrigðis- og félagsþjónustu, stjórnmálamenn, atvinnulíf, menntastofnanir sem og almenna borgara.
Sýningu Kristjáns Steingríms að ljúka
Síðustu forvöð eru að sjá sýningu Kristjáns Steingríms Jónssonar, Staðir, í sýningarsal Skaftfells. Síðasti sýningardagur er 15. september.Á sýningunni í Skaftfelli eru málverk, teikningar og ljósmyndir sem Kristján hefur unnið undanfarin misseri. Verkin fjalla með einum eða öðrum hætti um staði, þar sem jarðvegur er notaður til að skapa vangaveltur um fjar- og nærveru áhorfandans.
