Á dögunum bættist viðnýjung í afþreyingu fyrir ferðamenn á Stöðvarfirði þegar Salthúsið opnaði formlega.Það eru frumkvöðlanir Magnús Sigurðsson og Einþór Skúlason sem einnig reka Gistihúsið Sólhól á Stöðvarfirði sem eiga frumkvæði að þessu verkefni.Um er að ræða 1000 m2 aflagt fiskvinnsluhús í hjarta bæjarins sem nýtt er á veturna sem geymsla fyrir húsbíla og fellihýsi en hefur staðið autt á sumrin, hugmyndin var að gæða húsið lífi enda stendur það við aðalgötuna í miðjum bænum skammt frá veitingahúsinu Brekkunni og Galleri Snærós.
Egilsstaðakirkja fagnar þrjátíu og fimm ára afmæli sínu sunnudaginn 14. júní. Jafnframt er á þeim tímamótum haldið upp á lok endurbóta á kirkjunni og safnaðarheimili að Hörgsási 4, gegnt kirkjunni verður formlega tekið í notkun.
28. maí var formlegur stofnfundur Fjarðaforeldra, sem er svæðisráð foreldrafélaga grunnskólanna í Fjarðabyggð. Stjórnarmenn eru tíu talsins, tveir foreldrar frá hverjum grunnskóla í Fjarðabyggð, annar úr foreldrafélaginu og hinn úr skólaráðinu. Þóroddur Helgason fræðslustjóri í Fjarðabyggð var foreldrafélögunum innan handar við stofnun ráðsins.
Á fundi bæjarstjórnar Fjarðabyggðar fimmtudaginn 4. júní var samþykkt fræðslu- og frístundastefna fyrir Fjarðabyggð til næstu fimm ára. Unnið var að mótun stefnunnar frá nóvember 2008 til apríl 2009. Að stefnumótuninni kom 25 manna starfshópur sem samsettur var af fulltrúum skóla, frístundastofnana, frjálsra félagasamtaka og atvinnulífs. Verkefnastjóri var Hrönn Pétursdóttir.
Skógrækt ríkisins tók upp á þeirri nýbreytni í byrjun júnímánaðar að bjóða gestum þjóðskóganna upp á skemmtilega viðbót við kyrrðina, fuglasönginn og þytinn í trjánum. Við stíga í skógunum standa nú staurar með símanúmeri sem hægt er að hringja í og hlusta á fróðleik eða skemmtun tengda umhverfinu.
Stjórn Búnaðarsambands Austurlands hvetur sveitarfélög til að draga lærdóm af máli Stórhóls í Álftafirði og beita hörðum viðurlögum, miklu fyrr en raun bar vitni. Í ályktun sambandsins frá því í gær segir að heimildir búfjáreftirlits og dýralækna séu takmarkaðar og skaðinnmikill þegar svona sé komið. Stjórnin óttist áhrif slíkra mála á ímynd dilkakjötsframleiðslu bæði innanlands og utan, því nú á tímum ljósvakamiðla geti markaður skaðast um allan heim vegna fréttaflutnings eins og þessa. Jafnframt óskar stjórnin þess að Djúpavogshreppur ogMatvælastofnun sjáitil þess að málum verði komið í fullkomlega ásættanlegt ástand strax eða viðkomandi gert að hætta búskap ella.
Forsætisráðherrar Norðurlandaþjóðanna funda á Egilsstöðum á morgun, sunnudag og mánudag.
Jóhanna Sigurðardóttir, forsætisráðherra Íslands stýrir fundi, enda gegna Íslendingar formennsku í Norrænu ráðherranefndinni um þessar mundir. Á dagskrá eru ýmis mál á alþjóðavettvangi og vettvangi Evrópusambandsins sem snerta Norðurlöndin. Meðal annars verður fjallað um undirbúning Íslendinga fyrir umsókn að aðild að ESB.
Sverrir Aðalsteinn Jónsson flutti 5. júní fyrirlestur til meistaraprófs í jarðfræði við Háskóla Íslands. Fjallaði fyrirlesturinn um gróðurfarslega sögu Fljótsdalshéraðs síðustu tvö þúsund árin.
Megintilgangur rannsóknar þeirrar sem fyrirlesturinn byggir á var að afla gagna sem gætu skýrt gróðurfarssögu Fljótsdalshéraðs síðastliðin 2000 ár og kanna orsakir hnignunar skóga héraðsins. Áhrif mannsins virðast hafa skipt sköpum hvað varðar ástand skógarins eftir landnám en verðurfar virðist hafa haft minni áhrif. Leiðbeinendur voru Ólafur Ingólfsson, prófessor og dr. Ólafur Eggertsson og prófdómari var Egill Erlendsson.
Vegfarandi hafði samband við blaðið og sagði frá því að illa útleikið bílhræ sé skammt utan vegar í Breiðdalsheiðinni Héraðsmegin, skammt ofan Axarafleggjara. Hann segir líta út fyrir að menn séu að aka fram á alvarlegt bílslys og bregði því við, en raunin sé sú að bíllinn sé búinn að standa þarna í næstum hálft ár. Enginn virðist sýna tilburði til að fjarlægja hann, hvorki eigandi né yfirvöld. Bíllinn er illa leikinn, beyglaður, dekkjalaus og allar rúður mölvaðar úr. Vegfarandinn vildi skora á þar til bær yfirvöld að gangast fyrir því nú þegar að bíllinn verði fjarlægður.